QR IDM Air Arabia-nyń keiinge shegerilgen reisteri boiynsha málimdeme jasady, dep habarlaidy "Ult aqparat" ministrliktiń baspasóz qyzmetine silteme jasap.
Air Arabia áýekompaniiasynyń Qazaqstandaǵy ókildigi taratqan aqparatqa sáikes Shardja qalasyndaǵy (Birikken Arab Ámirligi) ushý qaýipsizdigine áser etetin aýa raiy qolaisyzdyǵyna bailanysty (qatty tuman, nashar kóriný) Air Arabia-nyń 2016 jylǵy 29,30,31 jeltoqsanǵa josparlanǵan Shardja - Astana jáne Shardja - Almaty baǵytyndaǵy reisterine shekteý qoiyldy.
Sonymen qatar álemniń basqa da ondaǵan memleketine (Armeniia, Ýkraina, Resei, Bahrein, Qatar, Egipet jáne t.b.) ushýy josparlanǵan reister keiinge shegerildi. Qalyptasqan jaǵdaidy sheshý úshin QR Inestitsiialar jáne damý ministrliginde Týrizm indýstriiasy departamenti, Azamattyq aviatsiia komiteti, Qazaqstan Respýblikasy Syrtqy ister ministrligi qyzmetkerlerinen turatyn jedel basqarý shtaby qurylyp, qyzmet etýde.
BAÁ-niń sáikes memlekettik organdary men Air Arabia áýekompaniiasyna reisterdi shekteýdiń saldarynan oryn alǵan jaǵdaidy jáne qazaqstandyq jolaýshylardy elge qaitarý máselesin jedel túrde retteý týraly talappen Azamattyq aviatsiia komitetinen resmi hattar jáne QR SIM notasy jiberildi.
Jolaýshylardyń 300 adamnan turatyn bir bóligi basqa turaqty áýekompaniia reisterimen jáne SCAT áýekompaniiasynyń Shardja – Almaty – Shardja baǵyty boiynsha ushatyn qosymsha reisimen jetkizildi. Air Arabia áýekompaniiasynyń aqparaty boiynsha keiinge shegerilgen reisterdiń jolaýshylaryna bilet tarifiniń tolyq quny óteletin bolady.
Air Arabia áýekompaniiasynyń Shardja – Almaty – Shardja reisiniń oryndalýy osy jyldyń 2 qańtaryna josparlanǵan bolatyn. Biraq, aýa raiynyń óte qolaisyz bolyp turǵanyna bailanysty reis keshiktirilýi múmkin.
Qazaqstandyq týristerge saparlaryn týroperatorlarmen kelisip belgileý usynylady. Al, reistiń keiinge shegerilýi uzaqqa sozylatyn bolsa, Air Arabia áýekompaniiasynyń ókildigine bilet qunyn ótep alý jóninde habarlasýǵa bolady.
