Qazaqstan Respýblikasy Úkimetiniń qaýlysymen Esimhanov Suńǵat Qýatuly Qazaqstan Respýblikasy energetika vitse-ministri bolyp taǵaiyndaldy. Buǵan deiin bul laýazymda qyzmet atqarǵan A.Shkarýpa usynylǵan ótinish boiynsha qyzmetinen bosatyldy.
S. Esimhanov 1973 jyly Pavlodar oblysynda týǵan. 1996 jyly Pavlodar indýstrialdy institýtyn, 2007 jyly Qaraǵandynyń «Bolashaq» ózekti bilim berý institýtyn bitirgen.
Eńbek jolyn 1996 jyly «Aliýminii Qazaqstan» AQ-nyń gidrometallýrgiialyq tsehynda injener bolyp bastap, onda 2000 jylǵa deiin jumys istedi.
2001-2007 jyldary Astana, Aqtaý, Qaraǵandy qalalary boiynsha QR Tabiǵi monopoliialardy retteý, básekelestikti qorǵaý jáne shaǵyn biznesti qoldaý agenttiginiń quramynda maman, bólim bastyǵy, departament direktory qyzmetterin atqardy. 2008-2010 jyldary Pavlodar oblysynyń energetika jáne kommýnaldyq sharýashylyq basqarmasyn basqardy.
2010-2013 jj. “Kazahenergoekspertiza” AQ prezidenti boldy. 2013-2014 jyldary QR Indýstriia jáne jańa tehnologiialar ministrliginiń elektr energetikasy jáne kómir ónerkásibi departamentiniń direktory bolyp jumys istedi.
2014 jyldyń tamyz aiynan bastap qazirgi ýaqytqa deiin QR Energetika ministrliginiń Atomdyq jáne energetikalyq qadaǵalaý men baqylaý komitetiniń tóraǵasy qyzmetin atqardy.
