QR Úkimetiniń qaýlysymen Erjan Jylqybaev QR Eńbek jáne halyqty áleýmettik qorǵaý birinshi vitse-ministri qyzmetine, Aqmádi Sarbasov QR Eńbek jáne halyqty áleýmettik qorǵaý vitse-ministri qyzmetine taǵaiyndaldy, dep habarlaidy QazAqparat QR Premer-ministriniń baspasóz qyzmetine silteme jasap.
Erdan Jumatuly 1982 jyly Túrkistan oblysyndaǵy Leńgir qalasynda dúniege kelgen. Ońtústik Qazaqstan ýniversitetin, QR Prezidentiniń janyndaǵy Memlekettik basqarý akademiiasyn, S. Amanjolov atyndaǵy Shyǵys Qazaqstan memlekettik ýniversitetin támamdaǵan.
Eńbek jolyn Ońtústik Qazaqstan oblysynyń Ekonomika departamentiniń bas mamany bolyp bastaǵan. Túrli jyldary QR Premer-Ministri Keńsesinde, QR Ekonomika jáne biýdjettik josparlaý ministrliginde, Shyǵys Qazaqstan oblysy ákiminiń apparatynda, QR Prezidentiniń Ákimshiliginde jumys istegen. 2016 jyldyń mamyr aiynan 2019 jyldyń naýryzy aralyǵynda Almaty qalasy Medeý aýdanynyń ákimi laýazymyn atqarǵan. Biylǵy 26 naýryzdan bastap qazirge deiin - QR eńbek jáne halyqty áleýmettik qorǵaý vitse-ministri.
Aqmádi Ádiluly 1977 jyly Batys Qazaqstan oblysynda dúniege kelgen. Ál-Farabi atyndaǵy Qazaq ulttyq ýniversitetin jáne Eýraziia gýmanitarlyq ýniversitetin támamdaǵan.
Eńbek jolyn 1994 jyly bastaǵan. Túrli jyldary QR Ádilet ministrliginiń, QR Eńbek jáne halyqty áleýmettik qorǵaý ministrliginiń qurylymynda jumys istegen. 2017 jyldan bastap qazirgi tańǵa deiin QR Eńbek jáne halyqty áleýmettik qorǵaý ministrliginiń Eńbek, áleýmettik qorǵaý jáne kóshi-qon komitetiniń tóraǵasy - QR bas memlekettik eńbek inspektory laýazymyn atqardy.
