Qazaqstan Respýblikasy Úkimetiniń qaýlysymen Qamaljan Talǵatuly Nadyrov QR densaýlyq saqtaý vitse-ministri qyzmetine taǵaiyndaldy. Bul týraly QR Premer-Ministriniń baspasóz qyzmeti habarlaidy.
Q. Nadyrov 1983 jyly Almaty qalasynda dúniege kelgen. S. Asfendiiarov atyndaǵy Qazaq memlekettik meditsinalyq ýniversitetin, Turan ýniversitetin, Qoǵamdyq densaýlyq saqtaýdyń joǵary mektebin támamdaǵan. Ártúrli jyldary Duke University, «The Fuqua School of Business» (AQSh), «Parkway College» (Singapýr), «Florence Nightingale» klinikalar toby (Túrkiia), «Oxford «Social Health Insurance system» (Germaniia) oqýdan ótken. .
2007–2014 jyldary B.O. Jarbosynov atyndaǵy Ýrologiia ǵylymi ortalyǵynda klinikalyq ordinator, bólim meńgerýshisi, bas direktordyń orynbasary qyzmetterin atqarǵan.
Densaýlyq saqtaý ministrliginiń qurylymynda 2014 jyldan bastap jumys isteidi. Meditsinalyq qyzmetterdi standarttaý departamenti direktorynyń orynbasary laýazymyn atqarǵan.
2016–2017 jyldary — «University Medical Center» bólimshesiniń direktory — Respýblikalyq diagnostikalyq ortalyqty basqarǵan.
2017–2018 jyldary — Astana qalasynyń Densaýlyq saqtaý basqarmasynyń basshysy. 2018 jylǵy naýryzdan bastap qazirgi tańǵa deiin Astana qalasynyń Qoǵamdyq densaýlyq saqtaý basqarmasynyń basshysy laýazymyn atqarǵan.
