Gaýhar Bisarina QR Densaýlyq saqtaý ministrliginiń Baspasóz qyzmetiniń basshysy bolyp taǵaiyndaldy, dep habarlaidy "Ult aqparat" ministrlikke silteme jasap.
Gaýhar Manatqyzy Bisarina 1984 jyly Almaty oblysynda dúniege kelgen. 2007 jyly S. J. Asfendiiarov atyndaǵy Qazaq ulttyq meditsina ýniversitetin «dáriger-epidemiolog» mamandyǵy boiynsha támamdaǵan. Qazaq, orys jáne aǵylshyn tilderin meńgergen.
Eńbek jolyn 2007 jyly Almaty oblysynyń Kóksý aýdandyq aýrýhanasynda dáriger epidemiolog retinde bastaǵan. Densaýlyq saqtaý júiesinde 10 jyldan astam jumys isteidi. Túrli jyldary Almaty oblystyq memelekettik sanitarlyq-epidemiologiialyq qadaǵalaý basqarmasynda, QR DSM Memlekettik sanitarlyq - epidemiologiialyq qadaǵalaý komitetinde jáne sońǵy 5 jylda QR Densaýlyq saqtaý ministrliginiń baspasóz qyzmetinde jumys atqarǵan.
