Búgin Qazaqstan Respýblikasy Bilim jáne ǵylym ministri Erlan Saǵadiev jańa taǵaiyndalǵan Vitse-ministr Aslanbek Amrindi ministrlik ujymymen tanystyrdy, dep habarlaidy "Ult aqparat.
Aslanbek Kemeńgeruly Amrin 1982 jyldyń 13 naýryzynda Soltústik Qazaqstan oblysy, Sovet aýdanyna qarasty Smirnov aýylynda dúniege keldi.
M.Qozybaev atyndaǵy Soltústik Qazaqstan memlekettik ýniversitetin (2003 j., «Qarjy jáne aýdit»), L.Gýmilev atyndaǵy Eýraziia ulttyq ýniversitetin (2006 j., «Geoaqparattyq júieler»), «Bolashaq» baǵdarlamasymen University of Illinois at Urbana – Champaign, (2012 j., «Tehnologiialardy basqarý») oqyp bitirdi.
2003-2005 j.j. «KITEX» JShS jeke innovatsiialyq kompaniiasynda, «Jańa tehnologiia men materialdardy engizý ortalyǵy» JShS; «Qazaqstandyq innovatsiialyq tehnologiia» AQ eńbek etti.
2005-2010 j.j. aralyǵynda QR Premer-Ministr Keńsesiniń áleýmettik-mádeni damý bóliminiń sarapshysy, indýstrialdy-innovatsiialyq damý bóliminiń bas sarapshysy jáne meńgerýshisiniń orynbasary qyzmetterin atqarǵan.
2012-2015 j.j. – «Tehnologiialyq damý jónindegi ulttyq agenttik» AQ Basqarma tóraǵasynyń orynbasary, 2015-2016 j.j. – «TIMWE International» halyqaralyq telekommýnikatsiialyq kompaniianyń Qazaqstan boiynsha bas menedjeri.
2016 jyldyń 26 tamyzynda QR Úkimeti Qaýlysymen QR Bilim jáne ǵylym vitse-ministri bolyp taǵaiyndaldy.
Ult portaly
