Doktoranttarǵa oqýyn aiaqtaǵannan keiin dissertatsiiasyn qorǵaýǵa qosymsha 1 jyl berý josparlanyp otyr. Bul týraly Bilim jáne ǵylym ministri Ashat Aimaǵambetov «Egemen Qazaqstan» gazetine bergen suhbatynda aitty, dep habarlaidy "Ult aqparat".
«Taǵy bir mańyzdy mindet – myqty ári básekege qabiletti ǵylymi kadrlardy daiyndaý. Doktorantýraǵa túsý úshin halyqaralyq tildik sertifikatty iemdený talaby engizildi. Biyl sheteldik JOO-da oqý eliniń resmi tili, iaǵni shet tilinde bilim alǵandar úshin qosymsha ózgerister engiziledi. Eger olar sheteldik JOO bitirgennen beri 2 jyl ótpese, shet tilinen avtomatty túrde eń joǵarǵy ball alady. Taldaý qorytyndysy doktoranttardyń tek 54%-y úsh jyl ishinde dissertatsiialaryn daiyndap, qorǵaýǵa shyǵyp úlgeretinin kórsetti. Negizi bul qalypty jaǵdai, kóptegen Eýropa elinde orta eseppen doktoranttardyń 45-60%-y oqý merzimi ishinde dissertatsiialaryn qorǵap úlgeredi. Osy aspektide oqýdy aiaqtaǵannan keiin taǵy qosymsha bir jyl berý josparlanyp otyr, sol ýaqytta doktoranttarǵa oqýyn jalǵastyrýǵa jáne sanktsiiasyz qorǵaýǵa shyǵýǵa ruqsat etiledi. Alaida qosymsha kezeńge eshqandai shákirtaqy tólenbeidi», - dedi ministr.
Onyń atap ótýinshe, osy jyldan bastap Memlekettik jalpyǵa mindetti bilim standartyna engizilgen ózgerister aiasynda barlyq JOO bilim berý baǵdarlamalarynyń mindetti komponentterine akademiialyq hat pen ǵylymi zertteýler ádisnamasyn engizedi. Sondai-aq akademiialyq aǵylshyn tilin tereńdetip, halyqaralyq granttardy tarta otyryp oqytý, qazaqstandyq ǵalymdardyń iri halyqaralyq zertteýlerge qatysýyn qoldaý kózdeldi.
«JOO men akademiialyq ǵylym integratsiiasyn kúsheitý sharalary qabyldanýda. Ǵalymdar úshin JOO nemese ǵylymi-zertteý institýty bazasynda zertteýlerin jalǵastyrýdyń arnaiy múmkindigi retinde postdoktorantýra júiesi engizilip jatyr. Budan basqa, otandyq 10 jetekshi JOO bazasynda akademiialyq basymdyq ortalyqtary ashylady. Sonymen qatar JOO-lar Teaching university formatynyń sheńberinen shyǵyp, birtindep zertteý ýniversitetteri bolýy tiis», - dedi A.Aimaǵambetov.
