دوكتورانتتارعا وقۋىن اياقتاعاننان كەيٸن ديسسەرتاتسيياسىن قورعاۋعا قوسىمشا 1 جىل بەرۋ جوسپارلانىپ وتىر. بۇل تۋرالى بٸلٸم جەنە عىلىم مينيسترٸ اسحات ايماعامبەتوۆ «Egemen Qazaqstan» گازەتٸنە بەرگەن سۇحباتىندا ايتتى, دەپ حابارلايدى "ۇلت اقپارات".
«تاعى بٸر ماڭىزدى مٸندەت – مىقتى ەرٸ بەسەكەگە قابٸلەتتٸ عىلىمي كادرلاردى دايىنداۋ. دوكتورانتۋراعا تٷسۋ ٷشٸن حالىقارالىق تٸلدٸك سەرتيفيكاتتى يەمدەنۋ تالابى ەنگٸزٸلدٸ. بيىل شەتەلدٸك جوو-دا وقۋ ەلٸنٸڭ رەسمي تٸلٸ, ياعني شەت تٸلٸندە بٸلٸم العاندار ٷشٸن قوسىمشا ٶزگەرٸستەر ەنگٸزٸلەدٸ. ەگەر ولار شەتەلدٸك جوو بٸتٸرگەننەن بەرٸ 2 جىل ٶتپەسە, شەت تٸلٸنەن اۆتوماتتى تٷردە ەڭ جوعارعى بالل الادى. تالداۋ قورىتىندىسى دوكتورانتتاردىڭ تەك 54%-ى ٷش جىل ٸشٸندە ديسسەرتاتسييالارىن دايىنداپ, قورعاۋعا شىعىپ ٷلگەرەتٸنٸن كٶرسەتتٸ. نەگٸزٸ بۇل قالىپتى جاعداي, كٶپتەگەن ەۋروپا ەلٸندە ورتا ەسەپپەن دوكتورانتتاردىڭ 45-60%-ى وقۋ مەرزٸمٸ ٸشٸندە ديسسەرتاتسييالارىن قورعاپ ٷلگەرەدٸ. وسى اسپەكتٸدە وقۋدى اياقتاعاننان كەيٸن تاعى قوسىمشا بٸر جىل بەرۋ جوسپارلانىپ وتىر, سول ۋاقىتتا دوكتورانتتارعا وقۋىن جالعاستىرۋعا جەنە سانكتسيياسىز قورعاۋعا شىعۋعا رۇقسات ەتٸلەدٸ. الايدا قوسىمشا كەزەڭگە ەشقانداي شەكٸرتاقى تٶلەنبەيدٸ», - دەدٸ مينيستر.
ونىڭ اتاپ ٶتۋٸنشە, وسى جىلدان باستاپ مەملەكەتتٸك جالپىعا مٸندەتتٸ بٸلٸم ستاندارتىنا ەنگٸزٸلگەن ٶزگەرٸستەر اياسىندا بارلىق جوو بٸلٸم بەرۋ باعدارلامالارىنىڭ مٸندەتتٸ كومپونەنتتەرٸنە اكادەمييالىق حات پەن عىلىمي زەرتتەۋلەر ەدٸسناماسىن ەنگٸزەدٸ. سونداي-اق اكادەمييالىق اعىلشىن تٸلٸن تەرەڭدەتٸپ, حالىقارالىق گرانتتاردى تارتا وتىرىپ وقىتۋ, قازاقستاندىق عالىمداردىڭ ٸرٸ حالىقارالىق زەرتتەۋلەرگە قاتىسۋىن قولداۋ كٶزدەلدٸ.
«جوو مەن اكادەمييالىق عىلىم ينتەگراتسيياسىن كٷشەيتۋ شارالارى قابىلدانۋدا. عالىمدار ٷشٸن جوو نەمەسە عىلىمي-زەرتتەۋ ينستيتۋتى بازاسىندا زەرتتەۋلەرٸن جالعاستىرۋدىڭ ارنايى مٷمكٸندٸگٸ رەتٸندە پوستدوكتورانتۋرا جٷيەسٸ ەنگٸزٸلٸپ جاتىر. بۇدان باسقا, وتاندىق 10 جەتەكشٸ جوو بازاسىندا اكادەمييالىق باسىمدىق ورتالىقتارى اشىلادى. سونىمەن قاتار جوو-لار Teaching university فورماتىنىڭ شەڭبەرٸنەن شىعىپ, بٸرتٸندەپ زەرتتەۋ ۋنيۆەرسيتەتتەرٸ بولۋى تيٸس», - دەدٸ ا.ايماعامبەتوۆ.
