Qazaqstan Respýblikasy Bas Prokýrorynyń orynbasary Marat Ahmetjanov biylǵy jyldyń 9-shy maýsymyna taǵaiyndalǵan QR Prezidentiniń kezekten tys sailaýyna bailanysty Úndeý jariialady, dep habarlaidy "Ult aqparat".
Úndeýdiń mátinin búgin Bas prokýratýranyń baspasóz qyzmeti jariialady.
ÚNDEÝ
«Prokýratýra týraly» Qazaqstan Respýblikasy Zańynyń 31-baby tártibinde
Áleýmettik jelilerde jáne messendjerlerde 1 mamyrda ruqsat etilmegen mitingilerge qatysý jóninde shaqyrýlar taratylýda.
Bas prokýratýra ondai aktsiialardy ótkizgen jaǵdaida oǵan qatysqandardyń áreketteri beibit jinalystar men mitingilerdi uiymdastyrý jáne ótkizý tártibi týraly zańdy buzý retinde saralanatynyn eskertedi.
Quqyq qorǵaý organdary quqyq buzýshylarǵa den qoiyp, olarǵa tiisti sharalar qoldanýǵa mindetti bolady.
Osyndai aktsiialarǵa qatysýǵa shaqyrǵany, olardy uiymdastyrǵany, qatysqany úshin Ákimshilik quqyq buzýshylyq týraly kodekstiń 488-baby boiynsha jaýaptylyq týyndaidy.
Egerde bul áreketter eleýli zardap keltiretin bolsa, onda kináli adam Qylmystyq kodekstiń 400-baby boiynsha jaýapqa tartylady.
«Bas prokýratýra, elimizdiń joǵarǵy qadaǵalaý organy retinde, azamattardy zańdy múltiksiz saqtaýǵa, arandatýǵa ermeýge jáne zańsyz aktsiialarǵa qatysýdan tartynýǵa shaqyrady»,-delingen habarlamada.
