QR Aýyl sharýashylyǵy ministri bolyp Saparhan Omarov taǵaiyndaldy.
"Saparhan Kesikbaiuly Omarov Qazaqstan Respýblikasynyń Aýyl sharýashylyǵy ministri bolyp taǵaiyndalsyn" delingen Elbasy Jarlyǵynda.
Saparhan Kesikbaiuly Omarov 1968 jylǵy 5 mamyrda Ońtústik Qazaqstan oblysy, Qyzylqum aýdanynyń Otrabat stantsiiasynda dúniege kelgen. 1995 jyly G.V. Plehanov atyndaǵy Resei ekonomikalyq akademiiasyn ekonomika jáne áleýmettik josparlaý mamandyǵy boiynsha bitirdi. 2001 jyly Qazaq memlekettik zań ýniversitetin quqyqtaný mamandyǵy boiynsha bitirdi.
Eńbek jolyn 1985 jyly Túrkistan qurylys jáne jol mashinalaryn jóndeý zaýytynda jumysshy bolyp bastady. 1986 jyldyń qarashasynan 1988 jyldyń qarashasynan deiin Keńes armiiasy qatarynda áskeri boryshyn atqardy. 1990-1995 jyldar aralyǵynda G.V. Plehanov atyndaǵy Resei ekonomikalyq akademiiasynda oqydy. 1995-1996 jyldary Qazaqstan Respýblikasynyń Baǵaly qaǵazdar jónindegi ulttyq komissiiasynda maman, bólim bastyǵy bolyp jumys istedi. 1996-2001 jyldary «Azyqtúlik kelisimshart korporatsiiasy» AQ-da bólim bastyǵy, basqarma bastyǵynyń orynbasary, basqarma bastyǵy, departament direktory. 2006 jylǵy qańtarda «Azyqtúlik kelisimshart korporatsiiasy» AQ-nyń vitse-prezidenti bolyp taǵaiyndaldy. 2007-2008 jyldary – Qazaqstan Respýblikasy Parlamentiniń Sharýashylyq basqarmasy bastyǵynyń orynbasary. 2008-2011 jyldary – Qazaqstan Respýblikasy Prezidenti Ákimshiliginiń memlekettik baqylaý jáne aýmaqtyq-uiymdastyrý jumystary bóliminiń memlekettik inspektory. Qazaqstan Respýblikasy Prezidentiniń 2011 jylǵy 17 mamyrdaǵy Jarlyǵymen Respýblikalyq biýdjettiń atqarylýyn baqylaý jónindegi esep komitetiniń múshesi bolyp taǵaiyndaldy.
«Tyńǵa 50 jyl» (2004), «Qazaqstan Respýblikasynyń táýelsizdigine 10 jyl» (2001), «Qazaqstan Respýblikasynyń táýelsizdigine 20 jyl» (2011) mereitoilyq medaldarymen marapattaldy.
