Ǵabidýlla Ospanqulov QR aqparat jáne qoǵamdyq damý vitse-ministri qyzmetinen bosatyldy, dep habarlaidy primeminister.kz.
Qazaqstan Respýblikasy Úkimetiniń Qaýlysymen Ǵabidýlla Abdýllauly Ospanqulov bergen ótinishine sáikes QR aqparat jáne qoǵamdyq damý vitse-ministri laýazymynan bosatyldy.
Ǵabidýlla Ospanqulov 1981 jyly Ońtústik Qazaqstan oblysynda dúniege kelgen. Qazaq gýmanitarlyq-zań ýniversitetin, Qazaqstan-Resei ýniversitetin, «Bolashaq» baǵdarlamasy boiynsha Birmingem ýniversitetin (Ulybritaniia) támamdaǵan.
Túrli jyldary QR Parlamentinde, Prezident Ákimshiliginde, Ekibastuz qalasynyń ákimdiginde, QR Bilim jáne ǵylym ministrliginde jumys istegen.
2013 jyldan 2017 jyl aralyǵynda Jastar isi komitetin basqardy, QR BǴM Jastar saiasaty departamentiniń direktory boldy, QR Din isteri jáne azamattyq qoǵam ministrliginde jumys istedi.
2017 jyldyń qazan aiynan 2019 jyldyń tamyz aiy aralyǵynda Batys Qazaqstan oblysy ákiminiń orynbasary qyzmetinde boldy. 2019 jyldyń tamyz aiynan jeltoqsan aiy aralyǵynda — Nur Otan partiiasynyń hatshysy. 2019 jylǵy jeltoqsannan bastap qazirgi tańǵa deiin QR aqparat jáne qoǵamdyq damý vitse-ministri qyzmetin atqardy.
