Búgin fýtboldan Premer-liga komandalary arasyndaǵy el birinshiliginiń on segizinshi týry taǵy eki oiynnyń nátijesi belgili boldy, dep habarlaidy "Ult aqparat".
Atalǵan týrdaǵy basty oiynnyń biri Qostanai qalasynda ótkizildi. Jergilikti «Tobyl» óz alańynda Almatynyń «Qairat» komandasyn qabyldady.
Eki komanda da biyl bas júldeden úmitker sanalady. Sondyqtan búgingi kezdesýde ekeýiniń biri jeńiske jetse chempion ataǵyn jeńip alýyna múmkindigin arttyrar edi.
Oiyn barysynda qos ujym tartysty báseke kórsetti. Aldymen almatylyq Artýr Shýshenachev 23-minýtta esep ashty.
Ekinshi kezeńniń 53-minýtta qostanailyq klýbtan Rýslan Valiýllin esep ashsa, 66-minýtta almatylyq Rade Dýgalich óziniń qaqpasyna gol soǵyp aldy. Al 76-minýtta Vagner Lav taǵy da tarazy basyn teńestirip ketti. Osylaisha kezdesý 2:2 esebimen teń aiaqtaldy.
Sondai-aq, búgin Oralda «Aqjaiyq» «Taraz» komandasyn 3:0 esebimen jeńdi.
Dál qazir Aqtaýda «Kaspii» men «Turan» (Túrkistan), «Atyraý» men «Qaisar» (Qyzylorda) komandalary kezdesýde.
Al keshe, 27 maýsymda taǵy úsh oiyn ótkizildi. Óz alańynda «Qyzyljar» «Astanadan» 3:2, «Shahter» «Aqtóbeden» esebimen 1:0, «Ordabasy» «Jetisýdan» 3:0 esebimen basym tústi.
