بٷگٸن فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸنٸڭ ون سەگٸزٸنشٸ تۋرى تاعى ەكٸ ويىننىڭ نەتيجەسٸ بەلگٸلٸ بولدى, دەپ حابارلايدى "ۇلت اقپارات".
اتالعان تۋرداعى باستى ويىننىڭ بٸرٸ قوستاناي قالاسىندا ٶتكٸزٸلدٸ. جەرگٸلٸكتٸ «توبىل» ٶز الاڭىندا الماتىنىڭ «قايرات» كومانداسىن قابىلدادى.
ەكٸ كوماندا دا بيىل باس جٷلدەدەن ٷمٸتكەر سانالادى. سوندىقتان بٷگٸنگٸ كەزدەسۋدە ەكەۋٸنٸڭ بٸرٸ جەڭٸسكە جەتسە چەمپيون اتاعىن جەڭٸپ الۋىنا مٷمكٸندٸگٸن ارتتىرار ەدٸ.
ويىن بارىسىندا قوس ۇجىم تارتىستى بەسەكە كٶرسەتتٸ. الدىمەن الماتىلىق ارتۋر شۋشەناچەۆ 23-مينۋتتا ەسەپ اشتى.
ەكٸنشٸ كەزەڭنٸڭ 53-مينۋتتا قوستانايلىق كلۋبتان رۋسلان ۆاليۋللين ەسەپ اشسا, 66-مينۋتتا الماتىلىق رادە دۋگاليچ ٶزٸنٸڭ قاقپاسىنا گول سوعىپ الدى. ال 76-مينۋتتا ۆاگنەر لاۆ تاعى دا تارازى باسىن تەڭەستٸرٸپ كەتتٸ. وسىلايشا كەزدەسۋ 2:2 ەسەبٸمەن تەڭ اياقتالدى.
سونداي-اق, بٷگٸن ورالدا «اقجايىق» «تاراز» كومانداسىن 3:0 ەسەبٸمەن جەڭدٸ.
دەل قازٸر اقتاۋدا «كاسپيي» مەن «تۇران» (تٷركٸستان), «اتىراۋ» مەن «قايسار» (قىزىلوردا) كوماندالارى كەزدەسۋدە.
ال كەشە, 27 ماۋسىمدا تاعى ٷش ويىن ٶتكٸزٸلدٸ. ٶز الاڭىندا «قىزىلجار» «استانادان» 3:2, «شاحتەر» «اقتٶبەدەن» ەسەبٸمەن 1:0, «ورداباسى» «جەتٸسۋدان» 3:0 ەسەبٸمەن باسىم تٷستٸ.
