Búgin fýtboldan Premer-liga komandalary arasyndaǵy Qazaqstan chempionatynyń on ekinshi týrynda elordalyq «Astana» Aqtaýdyń «Kaspii» komandasymen kezdesti, dep habarlaidy "Ult aqparat".
Atalǵan oiynda elordalyq klýb alǵashqy bolyp esep ashty. Oiynnyń 38-minýtynda Rýnar Sigýronsson gol salǵan edi. Ekinshi kezeńniń 75, 75-minýttarda «Kaspii» oiynshysy Billal Sebaihi óz komandasyn alǵa shyǵardy.
Búgin jeńiske jetken jaǵdaida «Astana» týrnir kestesindegi jaǵdaiyn jaqsartatyn edi. Qazir komanda 21 upaimen ekinshi orynda tur. Kósh basynda 25 upaimen «Qairat» komandasy keledi.
«Kaspii» buǵan deiin nebári bir jeńis, bir teń oiynnan keiin tórt upai jinap, kósh sońynda kele jatqan bolatyn. Endi aqtaýlyq komanda jeti upaimen onynshy orynǵa kóterildi.
Sondai-aq, búgin Almatynyń «Qairaty» Qaraǵandynyń «Shahter» klýbymen sheberlik baiqasady. Oiyn elorda ýaqytymen 19.00-de bastalady.
