بٷگٸن فۋتبولدان پرەمەر-ليگا كوماندالارى اراسىنداعى قازاقستان چەمپيوناتىنىڭ ون ەكٸنشٸ تۋرىندا ەلوردالىق «استانا» اقتاۋدىڭ «كاسپيي» كومانداسىمەن كەزدەستٸ, دەپ حابارلايدى "ۇلت اقپارات".
اتالعان ويىندا ەلوردالىق كلۋب العاشقى بولىپ ەسەپ اشتى. ويىننىڭ 38-مينۋتىندا رۋنار سيگۋرونسسون گول سالعان ەدٸ. ەكٸنشٸ كەزەڭنٸڭ 75, 75-مينۋتتاردا «كاسپيي» ويىنشىسى بيللال سەبايحي ٶز كومانداسىن العا شىعاردى.
بٷگٸن جەڭٸسكە جەتكەن جاعدايدا «استانا» تۋرنير كەستەسٸندەگٸ جاعدايىن جاقسارتاتىن ەدٸ. قازٸر كوماندا 21 ۇپايمەن ەكٸنشٸ ورىندا تۇر. كٶش باسىندا 25 ۇپايمەن «قايرات» كومانداسى كەلەدٸ.
«كاسپيي» بۇعان دەيٸن نەبەرٸ بٸر جەڭٸس, بٸر تەڭ ويىننان كەيٸن تٶرت ۇپاي جيناپ, كٶش سوڭىندا كەلە جاتقان بولاتىن. ەندٸ اقتاۋلىق كوماندا جەتٸ ۇپايمەن ونىنشى ورىنعا كٶتەرٸلدٸ.
سونداي-اق, بٷگٸن الماتىنىڭ «قايراتى» قاراعاندىنىڭ «شاحتەر» كلۋبىمەن شەبەرلٸك بايقاسادى. ويىن ەلوردا ۋاقىتىمەن 19.00-دە باستالادى.
