Búgin fýtboldan Premer-liga komandalary arasyndaǵy el birinshiliginiń on jetinshi týry bastaldy, dep habarlaidy "Ult aqparat".
Alǵashqy oiynda elordada «Astana» Shymkenttiń «Ordabasy» klýbymen sheberlik baiqasty.
Kezdesý barysynda shymkenttik klýb birinshi kezeńniń ózinde alań ieleri qaqpasyna eki gol soǵyp úlgerdi. Aldymen 21-minýtta Baǵdat Qaiyrov «Astana» qaqpashysyn qapy qaldyrsa, odan keiin 24-minýtta Joao Paolo esepti ústemelei tústi.
Ekinshi kezeńde tizgindi elordalyq komanda óz qolyna alýǵa tyrysty. Dese de olarǵa sáttilik jetispei jatty. Kezdesýde «Astana» qarsylasyna 0:2 esebimen ese jiberdi.
Eske salsaq, búgin atalǵan týrda taǵy eki oiyn ótkiziledi. Dál qazir Oralda «Aqjaiyq» pen Qaraǵandynyń «Shahter» arasyndaǵy kezdesýdiń ekinshi, «Aqtóbe» men «Qyzyljar» oiynynyń birinshi kezeńi ótýde. Ázirge esep 0:0.
Al 23 maýsymda 18.00-de «Jetisý» (Taldyqorǵan) men «Atyraý», 19.00-de «Qairat» (Almaty) pen «Kaspii» (Aqtaý), 20.00-de «Taraz» ben «Turan» (Túrkistan) oiyndary bolady. Bul týrdy 21.00-de «Qaisar» (Qyzylorda) men «Tobyl» (Qostanai) kezdesýi túiindeidi.
