Fýtboldan Premer-liga komandalary arasyndaǵy el birinshiliginiń on altynshy týrynyń alǵashqy oiyn kúni aiaqtaldy, dep habarlaidy "Ult aqparat".
Budan buryn Oraldyń «Aqjaiyǵy» syrt alańda Petropavldyń «Qyzyljarynan» 1:0 esebimen basym túskenin habarlaǵan edik.
Odan keiingi kezdesýde Qaraǵandynyń «Shahteri» «Taraz» komandasyn qabyldady. Oiyn taǵdyryn sheshken jalǵyz goldy qaraǵandylyq Alan Chochiev 21-minýtta óz enshisine jazdy. Osylaisha «Shahter» jeti oiynǵa sozylǵan sátsizdikter seriiasyn toqtatyp, qarsylasynan 1:0 esebimen basym tústi.
Elordalyq «Astana» syrt alańda «Atyraýdy» 2:0 esebimen tize búktirdi. Eki goldy da Marin Tomasov soqty. Nátijesinde ol biylǵy birinshilikte soqqan golynyń sanyn 11-ge jetkizdi.
Al Shymkenttiń «Ordabasy» klýby óz alańynda «Aqtóbege» 0:1 esebimen jol berdi. Kezdesý taǵdyryn sheshken, 80-minýtta soǵylǵan goldyń avtory - Iýrii Logvinenko.
Atalǵan týrdaǵy qalǵan úsh oiyn 19 maýsymda ótkiziledi. Bul kúni «Tobyl» (Qostanai) men «Jetisý» (Taldyqorǵan), «Kaspii» (Aqtaý) men «Qaisar» (Qyzylorda), «Turan» (Túrkistan) men «Qairat» (Almaty) kezdesedi.
