Fýtboldan Qazaqstan chempionatynyń 20-týrynda Oraldyń «Aqjaiyǵy» óz alańynda «Astana» klýbyn qabyldady, dep habarlaidy "Ult aqparat".
Eki aidan astam ýaqytqa sozylǵan úzilisten keiin qaita jalǵasqan birinshilikte elordalyqtar 41 upaimen «Tobyldan» keiin ekinshi orynda kele jatsa, alań ieleri besinshi satyda edi.
Chempiondyq ataq úshin talasyp júrgen «Astana» komandasy 10-minýtta esep ashty. Belorýstyq Maks Ebongtan pas alǵan reseilik Valerii Chýperka «Aqjaiyqtyń» qaqpasyn qorǵaǵan ýkrainalyq Sergei Litovchenkodan ailasyn asyryp ketti.
Budan keiin qos komandanyń gol soǵatyndai múmkindikteri boldy. Keibir sátte Litovchenko óz qaqpasyn aman alyp qaldy. Elordalyqtar da sátti qorǵana bildi.
Osylaisha 1:0 esebimen jeńiske jetken reseilik maman Andrei Tihonovtyń shákirtteri 44 upaimen kósh basyna kóterildi. Degenmen 42 upaiy bar qostanailyq «Tobyl» bul týrdaǵy oiynyn erteń óz alańynda Aqtaýdyń «Kaspiiimen» ótkizedi.
El birinshiliginiń 21-týrynda «Aqjaiyq» 18 qyrkúiekte Taldyqorǵanda kósh sońyndaǵy «Jetisý» komandasymen kezdesedi. Al elordalyqtar «Aqtóbeni» qabyldaidy.
Sýretter – Aibatyr NURASh
