فۋتبولدان قازاقستان چەمپيوناتىنىڭ 20-تۋرىندا ورالدىڭ «اقجايىعى» ٶز الاڭىندا «استانا» كلۋبىن قابىلدادى, دەپ حابارلايدى "ۇلت اقپارات".
ەكٸ ايدان استام ۋاقىتقا سوزىلعان ٷزٸلٸستەن كەيٸن قايتا جالعاسقان بٸرٸنشٸلٸكتە ەلوردالىقتار 41 ۇپايمەن «توبىلدان» كەيٸن ەكٸنشٸ ورىندا كەلە جاتسا, الاڭ يەلەرٸ بەسٸنشٸ ساتىدا ەدٸ.
چەمپيوندىق اتاق ٷشٸن تالاسىپ جٷرگەن «استانا» كومانداسى 10-مينۋتتا ەسەپ اشتى. بەلورۋستىق ماكس ەبونگتان پاس العان رەسەيلٸك ۆالەريي چۋپەركا «اقجايىقتىڭ» قاقپاسىن قورعاعان ۋكراينالىق سەرگەي ليتوۆچەنكودان ايلاسىن اسىرىپ كەتتٸ.
بۇدان كەيٸن قوس كوماندانىڭ گول سوعاتىنداي مٷمكٸندٸكتەرٸ بولدى. كەيبٸر سەتتە ليتوۆچەنكو ٶز قاقپاسىن امان الىپ قالدى. ەلوردالىقتار دا سەتتٸ قورعانا بٸلدٸ.
وسىلايشا 1:0 ەسەبٸمەن جەڭٸسكە جەتكەن رەسەيلٸك مامان اندرەي تيحونوۆتىڭ شەكٸرتتەرٸ 44 ۇپايمەن كٶش باسىنا كٶتەرٸلدٸ. دەگەنمەن 42 ۇپايى بار قوستانايلىق «توبىل» بۇل تۋرداعى ويىنىن ەرتەڭ ٶز الاڭىندا اقتاۋدىڭ «كاسپييٸمەن» ٶتكٸزەدٸ.
ەل بٸرٸنشٸلٸگٸنٸڭ 21-تۋرىندا «اقجايىق» 18 قىركٷيەكتە تالدىقورعاندا كٶش سوڭىنداعى «جەتٸسۋ» كومانداسىمەن كەزدەسەدٸ. ال ەلوردالىقتار «اقتٶبەنٸ» قابىلدايدى.
سۋرەتتەر – ايباتىر نۇراش
