Foto: Reuters
Almaty oblysynda er adam 34 jastaǵy áielin aiaýsyz óltirdi, - dep habarlaidy Tengrinews.kz agenttigi Polisia.kz saityna silteme jasap.
Er adamnyń sózinshe, áieli kózine shóp salǵan. Olar Talǵar aýdanynda turatyn, kámeletke tolmaǵan eki balasy bar. Vahtada jumys isteitin er adam úiinde ailap bolmaityn. Kezekti issaparynan keiin úiine oralǵan er adam áieli mas ekenin, balalary ash jatqanyn kórgen.
Ashýlanǵan er adam janjal shyǵaryp, áieli kózine shóp salǵanyn aityp, soqqyǵa jyqqan. Áiel adam aýrýhanaǵa jetkizilgen, biraq ol esin jimastan qaitys bolǵan.
"Tergeý Qylmystyq kodekstiń 106-babynyń 3-bóligine sáikes júrgiziledi. Qylmystyq isti jan-jaqty jáne obektivti tergeý úshin barlyq qajet saraptama taǵaiyndaldy", - dedi Talǵar aýdandyq politsiiasynyń tergeýshisi Álisher Erlanov.
Ustalǵan er adam ýaqytsha ustaý izoliatoryna qamaldy.
