Abaidyń áni alǵash ret japon tilinde shyrqaldy, dep habarlaidy "Ult aqparat" Qazaqstannyń syrtqy ister ministrligine silteme jasap.
Japon ánshisi Ranka «Kózimniń qarasy» ánin japon tilinde oryndap, sol arqyly qazaqstandyqtardy qazaq aqyny Abaidyń 175 jyldyǵymen quttyqtady.
Ol sondai-aq koronavirýs pandemiiasy kezinde Qazaqstan halqyna osy synaqtan súrinbei ótip, qalypty ómirge tez oralýyn tiledi.
Mýzykalyq kompozitsiianyń dástúrli japon aranjirovkasy «koto» ulttyq shertpeli aspabynyń dybystalýymen «Zerosta» prodiýserlik kompaniiasymen jasaldy. Ánniń sózin japon tiline «Wako» ýniversitetiniń professory Hiroki Sakai aýdardy.
Jalpy ol - qazaq halqynyń folklorlyq-mifologiialyq murasy týraly birneshe kitaptyń avtory, onyń ishinde Abaidyń «Qara sózderin» japon tiline aýdarǵan.
«Qazaqstannyń Japoniiadaǵy Elshiliginiń dostar toby izgi niet jobasynyń maqsaty - Abai shyǵarmashylyǵynyń kórkemdik jáne estetikalyq mazmunyn japon tilinde jetkizý arqyly qazaq mádenietin dáripteý» dep málim etti vedomstvodan.
Aita keteiik, Ranka - kompozitor, japondyq halyq jáne zamanaýi mýzykanyń oryndaýshysy, sondai-aq «Japan Record Awards» mýzykalyq syilyǵynyń Gran-pri iegeri.
