Foto: Túrkistan oblystyq PD
Marat Qojaev ishki ister ministriniń birinshi orynbasary laýazymynan bosatylyp, prezident jarlyǵymen senat depýtaty bolyp taǵaiyndaldy, dep habarlaidy Aqorda.
"Memleket basshysynyń ókimimen Marat Shádethanuly Qojaev Qazaqstan Respýblikasy Ishki ister ministriniń birinshi orynbasary laýazymynan bosatyldy. Memleket basshysynyń Jarlyǵymen Marat Shádethanuly Qojaev Qazaqstan Respýblikasy Parlamenti Senatynyń depýtaty bolyp taǵaiyndaldy. Sonymen qatar ol prezident jarlyǵymen parlament senatynyń depýtaty bolyp taǵaiyndaldy", - delingen prezident qol qoiǵan jarlyqta.
IIM saityndaǵy aqparatqa súiensek, Marat Qojaevtyń joǵary bilimi bir, 1989 jyly KSRO IIM Qaraǵandy joǵary mektebin, 2001 jyly QR IIM Akademiiasyn támamdaǵan.
1984 jyldan bastap Almaty oblysy IIB Qaskeleń aýdanynyń IIB ýaqytsha ustaý izoliatorynyń militsioneri boldy. 1989 jyldan 2001 jylǵa deiin tergeý qyzmetinde, onyń ishinde Almaty oblysy IIB basshylyq laýazymdarynda jumys istedi.
2004 jyldan 2009 jylǵa deiin Almaty qalasy IID bastyǵynyń orynbasary 2012 jylǵy aqpannan bastap IIM Tergeý komitetiniń tóraǵasy boldy. 2014 jyldyń qyrkúieginen Pavlodar oblysy IID bastyǵy bolyp jumys istedi. 2017 jylǵy jeltoqsannan bastap Nur-Sultan (qazirgi Astana) qalasy PD bastyǵy boldy. 2019 jylǵy 6 sáýirden bastap Ishki ister ministriniń birinshi orynbasary bolǵan.
Al senat depýtaty Lázzat Qaltaevanyń ókileti toqtatyldy. Prezident baspasóz qyzmetiniń habarlaýynsha, memleket basshysy senator Qaltaevanyń ókiletin toqtatý týraly tiisti jarlyqqa qol qoiǵan.
Aita keteiik, Lázzat Qaltaeva 2022 jyldyń qańtarynda parlament Senatynyń depýtaty bolyp taǵaiyndalǵan edi.
