فوتو: تٷركٸستان وبلىستىق پد
مارات قوجاەۆ ٸشكٸ ٸستەر مينيسترٸنٸڭ بٸرٸنشٸ ورىنباسارى لاۋازىمىنان بوساتىلىپ, پرەزيدەنت جارلىعىمەن سەنات دەپۋتاتى بولىپ تاعايىندالدى, دەپ حابارلايدى اقوردا.
"مەملەكەت باسشىسىنىڭ ٶكٸمٸمەن مارات شەدەتحانۇلى قوجاەۆ قازاقستان رەسپۋبليكاسى ٸشكٸ ٸستەر مينيسترٸنٸڭ بٸرٸنشٸ ورىنباسارى لاۋازىمىنان بوساتىلدى. مەملەكەت باسشىسىنىڭ جارلىعىمەن مارات شەدەتحانۇلى قوجاەۆ قازاقستان رەسپۋبليكاسى پارلامەنتٸ سەناتىنىڭ دەپۋتاتى بولىپ تاعايىندالدى. سونىمەن قاتار ول پرەزيدەنت جارلىعىمەن پارلامەنت سەناتىنىڭ دەپۋتاتى بولىپ تاعايىندالدى", - دەلٸنگەن پرەزيدەنت قول قويعان جارلىقتا.
ٸٸم سايتىنداعى اقپاراتقا سٷيەنسەك, مارات قوجاەۆتىڭ جوعارى بٸلٸمٸ بٸر, 1989 جىلى كسرو ٸٸم قاراعاندى جوعارى مەكتەبٸن, 2001 جىلى قر ٸٸم اكادەميياسىن تەمامداعان.
1984 جىلدان باستاپ الماتى وبلىسى ٸٸب قاسكەلەڭ اۋدانىنىڭ ٸٸب ۋاقىتشا ۇستاۋ يزولياتورىنىڭ ميليتسيونەرٸ بولدى. 1989 جىلدان 2001 جىلعا دەيٸن تەرگەۋ قىزمەتٸندە, ونىڭ ٸشٸندە الماتى وبلىسى ٸٸب باسشىلىق لاۋازىمدارىندا جۇمىس ٸستەدٸ.
2004 جىلدان 2009 جىلعا دەيٸن الماتى قالاسى ٸٸد باستىعىنىڭ ورىنباسارى 2012 جىلعى اقپاننان باستاپ ٸٸم تەرگەۋ كوميتەتٸنٸڭ تٶراعاسى بولدى. 2014 جىلدىڭ قىركٷيەگٸنەن پاۆلودار وبلىسى ٸٸد باستىعى بولىپ جۇمىس ٸستەدٸ. 2017 جىلعى جەلتوقساننان باستاپ نۇر-سۇلتان (قازٸرگٸ استانا) قالاسى پد باستىعى بولدى. 2019 جىلعى 6 سەۋٸردەن باستاپ ٸشكٸ ٸستەر مينيسترٸنٸڭ بٸرٸنشٸ ورىنباسارى بولعان.
ال سەنات دەپۋتاتى لەززات قالتاەۆانىڭ ٶكٸلەتٸ توقتاتىلدى. پرەزيدەنت باسپاسٶز قىزمەتٸنٸڭ حابارلاۋىنشا, مەملەكەت باسشىسى سەناتور قالتاەۆانىڭ ٶكٸلەتٸن توقتاتۋ تۋرالى تيٸستٸ جارلىققا قول قويعان.
ايتا كەتەيٸك, لەززات قالتاەۆا 2022 جىلدىڭ قاڭتارىندا پارلامەنت سەناتىنىڭ دەپۋتاتى بولىپ تاعايىندالعان ەدٸ.
