Kýveit memleketiniń Qazaqstandaǵy elshiligi men Aziia musylmandary komitetiniń elimizdegi ókildigi «Túrkistan-Qoja Ahmet Iassaýi» meshitine 2 myń dana Quran kitabyn tartý etti, dep habarlaidy Túrkistan oblysy ákiminiń baspasóz qyzmeti.
Quran álippesin úirenetin shákirtter úshin bul taptyrmaityn dúnie. Qazaqsha tárjimasymen baspadan shyqqan qasietti kitap aýdan, qala, aýyl meshitterine, medrese-kolledjderge, DSAK bólimderine, kitaphanalarǵa taratyldy.
Bul syi QMDB-nyń 30 jyldyǵyna arnaldy. Oblys imamy Musabek Aqtamberdi Kýveit memleketiniń tótenshe jáne ókiletti elshisi Tarek Abdýlla ál-Faraj myrza men Aziia musylmandary Komitetiniń ókilderine rizashylyǵyn bildirdi.
Aita keteiik, Kýveit elshiligi men Aziia musylmandary Komiteti tarapynan jylyna birneshe ret qaiyrymdylyq ótkiziledi. Sondai-aq, ilkimdi jobalar júzege asyrylyp keledi.
«Quran arab tilinde jazylǵandyqtan tóte jazýdy ustanatyn elderdiń musylmandary namazda turǵanda egilip jylaidy. Qurannyń maǵynasyn túsinetin adamnyń Allanyń eskertýlerin oqyǵanda kózine jas almaýy múmkin emes. Elimizde din atyn jamylǵan aǵymdarǵa ergender Qurannyń maǵynasyn bilmegendikten adasyp júr. Qurannyń tilin bilgenimen, maǵynasyn túsinbei qiyndyqqa dýshar bolǵan», - dedi QMDB Túrkistan oblysy boiynsha zeket ókili Erkin Polatov.
Qurannyń aýdarmasyn kóp oqyǵan adamdar súrelerdi ońai jattaitynyn aitady, ustazdar. Ári sózdik qor jinaýǵa da jol ashady. «Qazaqstandaǵy Aziia musylmandary komitetiniń» demeýshiligimen «QR Aqparat jáne qoǵamdyq damý ministrligi Qoǵamdyq kelisim komitetiniń dintaný saraptamasynyń oń qorytyndysy berilgen» jáne «QMDB-nyń Shariǵat jáne pátýa bóliminiń saraptamasynyń oń qorytyndysy berilgen» - 2000 dana «QURAN KÁRIM qazaqsha túsindirmeli aýdarma» kitaby ministrlik pen Múftiiattyń maquldaýynan ótken.
