Ońtústik Qazaqstan oblysynda «Qoja Ahmet Iasaýi murasy men Túrkistan» atty halyqaralyq ǵylymi-praktikalyq konferentsiiasy, ótti dep habarlaidy "Ult aqparat".
Túrkistan qalasynda ótken sharaǵa QR Mədeniet jəne sport ministrligi, «Áziret Sultan» memlekettik tarihi-mádeni qoryq-mýzeii, «TÚRKSOI» halyqaralyq uiymy jáne Ahmet Iasaýi atyndaǵy halyqaralyq qazaq-túrik ýniversiteti muryndyq boldy.
Konferentsiia jumysyna Túrkiia, Ózbekstan, Qyrǵyzstan, Mońǵoliia, Resei Federatsiiasy jáne otandyq ǵalymdar men mýzei isiniń 30-dan asa mamandary qatysty.
Konferentsiianyń maqsaty - Elbasy N.Á.Nazarbaevtyń «Bolashaqqa baǵdar: rýhani jańǵyrý» baǵdarlamalyq maqalasy jəne «Túrkistan-Túrki áleminiń mádeni astanasy» jyly aiasynda kieli jerlerdi tanytý, tarihi-mádeni muralarymyzdy saqtaý, nasihattaý arqyly keleshek urpaq kádesine jaratý, túrki halyqtarynyń rýhani piri Qoja Ahmet Iasaýi muralarynyń túrki halyqtary tarihyndaǵy orny men róli jáne otandyq mýzei salasyndaǵy aktýaldy problemalardy saraptaý, taldaýǵa arnalǵan.
«Áziret Sultan» qoryq-mýzeiiniń direktory Nurbolat Ahmetjanov konferentsiiany ashyp, Qazaqstan Respýblikasynyń Mádeniet jáne sport ministri Arystanbek Muhamediulynyń quttyqtaý hatyn oqydy.
Túrksoi halyqaralyq uiymynyń ókili filologiia ǵylymdarynyń kandidaty, dotsent, Asqar Turǵanbaev atalǵan konferentsiianyń ulttyq qundylyqtardy dáripteý men təjiribeni arttyrýǵa mańyzy zor ekendigin aita kele, Iasaýi murasynyń adamzat igiligine ainalýyna Túrki eli ǵalymdarynyń da súbeli úles qosatynyna senim bildirdi. TÚRKSOI uiymy atynan qoryq-mýzei direktory Nurbolat Qadyrulyna kádesyi tartý etip, eńbekke biik belester tiledi.
Plenarlyq otyryspen bastaý alǵan basqosýda Reseidiń ónertanýshylar qaýymdastyǵynyń múshesi Sattarova Liliia «Túrksoi i vzaimodeistvie mýzeev tiýrkskogo mira» taqyrybynda baiandama jasasa, Túrksoi halyqaralyq uiymy jáne Býrsa mýnitsipalitetiniń qoldaýymen shyǵarylǵan «Eýraziia mýzeilerindegi kostiýmder kollektsiiasy» kitabynyń tusaýkeser rəsimin ótkizip, qoryq-mýzei qoryna óz tartýyn saltanatty túrde tabystady.
Konferentsiiaǵa qatysýshylar «Qoja Ahmet Iasaýi murasy men Túrki-Islam órkenietiniń sabaqtastyǵy», «Rýhani jańǵyrý jáne Túrkistan», «Kieli, qasietti jerler, mádeni týrizm jáne mýzei isi» syndy úsh baǵyt negizinde baiandamalar oqyp, tyń oilaryn ortaǵa saldy. Onda Qoja Ahmet Iasaýi muralarynyń túrki halyqtary tarihy men álemdik órkeniettegi orny, zerttelý máseleleri, ómiri men shyǵarmashylyǵy zerdelenip, sondai-aq, Otandyq mýzei salasyndaǵy keibir kókeikesti máseleler saraptalyp, taldandy.
