Túrkistandaǵy Qoja Ahmet Iasaýi kesenesine jaqyn tusta amfiteatr, sý burqaqtary, mádeni demalys oryndary men vizit ortalyǵy jáne ashyq aspan astyndaǵy mýzei ǵimarattattary boi kóteredi, dep habarlaidy "Ult aqparat".
Bul týraly búgin Túrkistan oblysynyń ákimi Janseiit Túimebaev «Tarihi-mádeni murany qorǵaý men keńinen tanytýdy zańnamalyq turǵydan qamtamasyz etý» taqyrybyndaǵy kóshpeli otyrys barysynda aityp ótti.
Aimaq basshysynyń sózinshe, Túrkistandaǵy qurylys jumystaryn retteý aimaǵyna «Qazaq handary, bileri» ortalyǵy, shyǵys monshasy, «Uly dala eli» jáne Túrki áleminiń ortalyqtary, Iassaýi mýzeii, Astana saiabaǵy men Beineleý-óner mýzeii salynatyn bolady. Bul nysandardyń bári tarihi-sáýlettik qundylyqtarǵa ainalady dep kútilýde.
«Uly Jibek joly boiyndaǵy «Otyrar», «Saýran», «Sidaq», «Kúltóbe», «Qaraspantóbe», «Jýantóbe» qalashyqtaryna arheologiialyq zertteý jáne qalpyna keltirý jumystary júrgiziledi. Qoja Ahmet Iasaýi kesenesiniń aýmaǵynda «Kúltóbe» ashyq aspan astyndaǵy mýzeii salynyp, QR Mádeniet jáne sport minstrligimen birlesip Otyrar qalasyn qalpyna keltirý jáne abattandyrý, infraqurylymyn damytý jumystary qolǵa alynatyn bolady»,- dedi Janseiit Túimebaev.
