@t.me/flyredwings
Antaliadan Ekaterinbýrg qalasyna ushqan Red Wings áýekompaniiasynyń ushaǵy apatty jaǵdaida Aqtóbe qalasyna qondy, - dep habarlaidy Tengritravel.kz portaly E1 málimetterine silteme jasap.
Basylymǵa reistegi jolaýshy suhbat berip, barlyq adamdy ushaqtan shyǵaryp, kedendik baqylaýdan ótkizgenin aitqan.
"Tehnikalyq aqaý bolǵanyn habarlady, alaida ary qarai ne bolatyny týraly eshkim tis jarmady", - deidi jolaýshy áiel.
Sonymen qatar "Aviatorshina" Telegram-kanalynyń málimetinshe, ushaqtyń qozǵaltqyshy isten shyqqan.
"Ekaterinbýrgke ushqan Red Wings áýekompaniiasynyń ushaǵynyń qozǵaltqyshy isten shyqty. Boeing 777 laineri osy túnde (WZ-3072 reisi) Antaliadan ushqan. Kaspii teńiziniń ústinde ushyp kele jatqanda, ushqyshtar oń jaq qozǵaltqyshtyń isten shyqqany týraly aitqan jáne 250-eshelonǵa (7600 metr) deiin tómendeýdi suraǵan. Alaida apatty jaǵdai signalyn bermegen. Shamamen bir jarym saǵattan soń olar Aqtóbe áýejaiyna sátti qonǵan", - dep jazady kanal avtorlary.
Red Wings baspasóz qyzmetiniń ókilderi WZ-3072 reisiniń jolaýshylaryn Ekaterinbýrgke qosymsha ushaqpen alyp ketetini týraly málimdegen.
"Rezerv borty Aqtóbe áýejaiyna qondy, taiaý ýaqytta otyrǵyzý bastalady. Ushý Máskeý ýaqyta boiynsha 10:50-ge (Astana ýaqyty boiynsha 13:50-ge) josparlanǵan", - delingen habarlamada.
Tengritravel.kz redaktsiiasy aviatsiia komitetiniń baspasóz qyzmetine habarlasyp, mán-jaidy anyqtady. Vedomstvo ókilderi Aqtóbe áýejaiyna habarlasýdy ótindi. Sonymen Aqtóbe áýejaiynyń ókilderi ushaq bortynda 419 jolaýshy jáne 16 ekipaj múshesi bolǵanyn aitty.
"18 qyrkúiekte 05:27-de (Aqtóbe ýaqyty boiynsha) Aqtóbe áýejaiyna Red Wings áýekompaniiasynyń Antalia - Ekaterinbýrg baǵytynda ushqan ushaǵy apatty jaǵdaida Aqtóbe qalasyna qondy. Ushaqtyń qonýy shtattyq rejimde júrgizildi. Ushaqtyń qonýynyń boljamdy sebebi - oń jaqtaǵy qozǵaltqyshtaǵy aqaý. Jolaýshylarǵa ystyq tamaq, balasy barlarǵa - ana men bala bólmesi usynyldy. Áýejai ákimshiligi tarapynan qajetti kómek kórsetildi. 12:05-te Máskeýden qosymsha ushaq ushyp keldi. 13:30-da (Aqtóbe ýaqyty boiynsha) Ekaterinbýrge ushý josparlanǵan", - dedi áýejai ókilderi.
