Qazaqstan Prezidenti Qasym-Jomart Toqaev jańa memlekettik indýstrialdy-innovatsiialyq baǵdarlamany daiarlaý kezinde aldyńǵy baǵdarlamalardyń qateligin eskerýdi tapsyrdy, dep habarlaidy "Ult aqparat".
«Biz bos áýrelenip, kózboiaýshylyqpen ainalyspaýymyz kerek. Jańa memlekettik indýstrialdy-innovatsiialyq baǵdarlama daiarlaý kezinde aldyńǵy baǵdarlamalardyń qateligin eskergen abzal. Jeńisterimiz jaily eseptiń qajeti joq. Shynaiy taldaý men tiimdi áreketter kerek», - dedi Qasym-Jomart Toqaev Memleket basshysy Qasym-Jomart Toqaev Aqmola oblysyn damytý máseleleri jónindegi keńeste.
Prezident sonymen qatar, Úkimet pen Parlament depýtattarynyń, oblys ákimderiniń mindeti – Elbasynyń uzaq merzimdi Strategiiasy, Ult jospary men Bes institýtsionaldyq reformany tolyqqandy júzege asyrý ekenin eske saldy.
«Tek sonda ǵana tegeýrinder men qiyndyqtardy eńsere alamyz», - dedi ol.
Eske sala keteiik, Prezident Qasym-Jomart Toqaev resmi saparmen Aqmola oblysynda júr.
