Kóz astyndaǵy teriniń kógerýi nemese qaraýytýy densaýlyqta kinárat paida bolǵanyn bildirýi múmkin, dep sanaidy reseilik immýnolog dáriger, meditsina ǵylymdarynyń kandidaty Kseniia Bocharova.
Ol "Besinshi arnaǵa" bergen suhbatynda munda gáp gipoksiiada, iaǵni túrli sipattaǵy tinderge ottegi jetispeýshiliginde bolýy yqtimal ekenin aitty. Kóp jaǵdaida bul ómirlik mańyzy bar mikroelementterdiń tapshylyǵymen bailanysty bolady, dep jazady Sputnik.
"Bul adamnyń baýyry nemese búiregi aýyratynyn bildirýi múmkin. Mundai jaǵdaida tez arada terapevt dárigerge qaralyp, kóz astynyń kógerýine ne sebep bolǵanyn anyqtaý kerek", - deidi Bocharova.
Sonymen qatar ol kóz ainalasyndaǵy teri óte juqa ekenin jáne ol jas ulǵaiǵan saiyn juqara túsýi múmkin ekenin aitty. Sondyqtan keibir adamdar úshin kóz astynyń kókshil reńk tartýy qalypty jaǵdai.
"Jii kezdesetin meditsinalyq problemalardy naqtylaý kerek. Bul anemiia, mikroelementter tapshyǵy, búirek nemese baýyr aýrýlary, júrek-qantamyr júiesi jáne tynys alý júiesindegi aqaý bolýy múmkin", - dedi dáriger.
Bocharovanyń aitýynsha, uiqynyń buzylýy, shai nesese kofeni shamadan tys kóp ishý, temeki shegý, tún ýaqytynda jumys isteý, demalys pen eńbek ýaqytyn durys úilestire almaý, kompiýter aldynda uzaq ýaqyt otyrý da kóz astyndaǵy teriniń kógerýine alyp keledi.
