Qazaqstanda bir táýlikte 772 myń meditsinalyq maska tigiledi. Qoimalarda 4 mln danasy bar, – dep habarlady QR Indýstriia jáne infraqurylymdyq damý ministrligi.
«2020 jylǵy 30 maýsymdaǵy jaǵdai boiynsha elimizde táýligine 772 myń dana betperde óndiriledi. Onyń ishinde farmatsevtikalyq kásiporyndar 567 myń, tigin kásiporyndary 204 myń dana óndirdi. Qoimalarda 4 millionnan astam betperde bar. Tiisti aqparat «SQ-Farmatsiia« JShS-ǵa berilip turady. Óz kezeginde QR Densaýlyq saqtaý ministrligi óndirilgen ónimdi el óńirlerine bóledi», - dedi ministrlikten.
Málim etilgendei, elimizde dáke jáne bózden tigilgen betperdeler atqarýshy organdarmen jasalǵan shart negizinde jetkizilip turady.
«Qazirgi kezde betperdeler óndirisi QR Indýstriia jáne infraqurylymdyq damý ministrliginiń qatań baqylaýyna alyndy. Qosymsha óndiristi iske qosý jáne óndiristi keńeitý nátijesinde betperdeler óndirisiniń kólemi táýligine 1 mln danaǵa jetti. Zalalsyzdandyrý quraldaryna kelsek, aǵymdaǵy jyldyń 30 maýsymynda 63 350 litr zalalsyzdandyrý quraly shyǵaryldy. Qoimada 331 576 litr, tutynýshylarǵa kósheler men úi-jailardy tazalaý úshin jáne dárihana jelilerine 56 730 litr jóneltildi», - dedi vedomstvodan.
Meditsinalyq maska tigip otyrǵan farmatsevtikalyq kásiporyndar: «Dolce» JShS (Almaty obl.) 178 675 dana/táýlik, «Medical Active Group» JShS (Almaty q.) 3000 dana/táýlik, «MegaPharma» JShS (Jambyl obl.) 50 000 dana/táýlik, «TK-Farm Aqtóbe» JShS (Aqtóbe q.) 40 000 dana/táýlik, «Ecos» JShS (Almaty q.) 2 000 dana/táýlik, «Bizhon» JShS (Shymkent q.) 66 500 dana / táýlik, «Bolashaq 2019» JShS (Nur-Sultan q.) 45 000 dana/táýlik, «Vita Pharma «JShS (Nur-Cultan q.) 2 000 dana/táýlik, BIONIC-PRO JShS (Nur-Sultan q.) 180 000 dana/táýlik.
