18 shildede tańerteń Almaty qalasy Jetisý aýdanyndaǵy boiaý ónimderi qoimasynan shyqqan órt jeti saǵattan soń sóndirildi.
"Saǵat 14.49-ta órt sóndirildi" dedi tústen keiin Almaty qalalyq tótenshe jaǵdai departamentiniń baspasóz hatshysy Sandýǵash Baimuhambetova. Ol órtten eshkimniń zardap shekpegenin aitty.
Aldyn ala aqparat boiynsha qoimada shamamen 200 tonna boiaý óniminiń bolýy órtti sóndirýdi qiyndatqan. Órtpen kúreske Almaty qalasynyń 67 qyzmetkeri men 27 birlik órt sóndirý tehnikasy, órt sóndirý qurylǵysy bar tikushaq tartyldy. Olarǵa «Almaty sý» mekemesi de kómekke keldi.
Órtengen aýmaqtyń kólemi shamamen 450 sharshy metrdi quraǵan.
Tótenshe jaǵdai departamentiniń deregi boiynsha, qaladaǵy Omarov 12v/1 meken-jaiynda ornalasqan nysan órtengen. Ashyq derekkózderine sáikes, munda boiaý ónimderin (arasynda munai-gaz salasynda qoldanylatyn boiaý túrleri de bar) shyǵaratyn jeke kompaniia ornalasqan.
