18 شٸلدەدە تاڭەرتەڭ الماتى قالاسى جەتٸسۋ اۋدانىنداعى بوياۋ ٶنٸمدەرٸ قويماسىنان شىققان ٶرت جەتٸ ساعاتتان سوڭ سٶندٸرٸلدٸ.
"ساعات 14.49-تا ٶرت سٶندٸرٸلدٸ" دەدٸ تٷستەن كەيٸن الماتى قالالىق تٶتەنشە جاعداي دەپارتامەنتٸنٸڭ باسپاسٶز حاتشىسى ساندۋعاش بايمۇحامبەتوۆا. ول ٶرتتەن ەشكٸمنٸڭ زارداپ شەكپەگەنٸن ايتتى.
الدىن الا اقپارات بويىنشا قويمادا شامامەن 200 توننا بوياۋ ٶنٸمٸنٸڭ بولۋى ٶرتتٸ سٶندٸرۋدٸ قيىنداتقان. ٶرتپەن كٷرەسكە الماتى قالاسىنىڭ 67 قىزمەتكەرٸ مەن 27 بٸرلٸك ٶرت سٶندٸرۋ تەحنيكاسى, ٶرت سٶندٸرۋ قۇرىلعىسى بار تٸكۇشاق تارتىلدى. ولارعا «الماتى سۋ» مەكەمەسٸ دە كٶمەككە كەلدٸ.
ٶرتەنگەن اۋماقتىڭ كٶلەمٸ شامامەن 450 شارشى مەتردٸ قۇراعان.
تٶتەنشە جاعداي دەپارتامەنتٸنٸڭ دەرەگٸ بويىنشا, قالاداعى وماروۆ 12ۆ/1 مەكەن-جايىندا ورنالاسقان نىسان ٶرتەنگەن. اشىق دەرەككٶزدەرٸنە سەيكەس, مۇندا بوياۋ ٶنٸمدەرٸن (اراسىندا مۇناي-گاز سالاسىندا قولدانىلاتىن بوياۋ تٷرلەرٸ دە بار) شىعاراتىن جەكە كومپانييا ورنالاسقان.
