Elimizde sońǵy aida koronavirýs infektsiiasymen aýyrý 19,6 ese artty. Bul týraly búgin Úkimet otyrysynda QR Densaýlyq saqtaý ministri Ajar Ǵiniiat aitty, dep habarlaidy QazAqparat.
«Dúniejúzin dúrbeleńge salǵan koronovirýstyń omikron túri elimizdiń epidemiologiialyq jaǵdaiyn ýshyqtyrdy. Qazaqstanda omikron túri tez taralyp, búgingi kúni Túrkistan oblysyn qospaǵanda elimiz ben óńirler qyzyl aimaqqa aýysty. Eldegi epidemiologiialyq kórsetkish koronovirýstyń omikron túriniń taralýyn rastap otyr», - dedi ministr.
Máselen, onyń dereginshe, sońǵy aida koronavirýs infektsiiasymen aýyrý 19,6 ese, reprodýktivtik san 2,1 ese ósti.
COVID-19-ǵa testileýdiń táýliktik kólemi 3,5 ese ulǵaidy jáne táýligine 50 myń test jasalýda.
«Sonymen qatar, aýrý kóbeise de, sońǵy aida ólim-jitim az, 2,3 ese tómendedi. Kovidtik statsionarlarda em alatyn patsientterdiń sany 2,2 esege, ambýlatoriialyq deńgeide aýrýlardyń sany 5 esege artty», - dedi Ajar Ǵiniiat.
