Saýda jáne integratsiialar ministri Baqyt Sultanov kóterme-taratý ortalyqtaryn qurý protsesi týraly aityp berdi, dep habarlaidy QazAqparat.
«Kóterme-taratý ortalyqtary memlekettik-jekeshelik áriptestik qaǵidattarynda qurylýy tiis. Sondyqtan biz jeke investorlardyń konsortsiýmdarymen jumys istedik. Ótken jyly protsedýrany bastadyq, tiisti saraptamany júrgizdik, MJÁ-niń basqa kelisimsharttary boiynsha úsh-tórt jyl boiy júrgizilgen jumystan biz bir jylda óte aldyq dep aita alamyn. Ótken aptada MJÁ shartyna qol qoiylyp, tolyqqandy jumys bastaldy. Árine, bul ýaqytty aýystyrýǵa týra keldi. Tiisti qoimalardyń bolmaýy da aýyl sharýashylyǵy taýaryn óndirýshilerdiń shyǵyndaryna, ónimniń el ishinde bólinýine tikelei áser etedi, saiyp kelgende sórelerdegi qymbat baǵaǵa ákep soǵady», - dedi Saýda ministri Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, kóterme-taratý ortalyqtaryn qurý – bir kúnde bitetin sharýa emes.
«Munda tiisti jumys kestesi bar. Birinshi kezeń boiynsha 7 kóterme-taratý ortalyǵy boiynsha kelisimsharttar jasaldy, jumys bastaldy. Biz investorlarmen 2022 jylǵy eginge úlgerýge tyrysamyz. Biz barlyq qajettilikti jappaimyz. 24 kóterme-taratý ortalyǵynyń 15-i – aýyl sharýashylyǵy ónimderin óndirý oryndarynda ashylatyn agrologiialyq ortalyqtar, olar da barlyq qajettilikti ótei almaidy. Biz zákir júiesin jasaimyz. Memleket basshysy Úkimettiń keńeitilgen otyrysynda tapsyrǵanyndai, biznes osyndai kókónis qoimalaryn qurý boiynsha belsendi jumys isteýi úshin jumys júrgiziledi. Olardyń barlyǵy zákirli joba ainalasynda biryńǵai júiege qurylady», - dep túsindirdi ministr.
