Qazaqstan qosymsha munai jetkizý joldaryn pysyqtap jatyr. Bul týraly Energetika ministri Bolat Aqsholaqov aitty, dep habarlaidy QazAqparat.
Búgin Májiliste tilshiler ministrden Kaspii qubyr konsortsiýmy boiynsha jóndeý jumystary ýaqytyly aiaqtalmasa Energetika ministrligi qandai jumystardy atqaratynyn surady.
«Qosymsha munai jetkizý joldaryn anyqtap jatyrmyz. 16,5 mln tonnaǵa jetkilikti joldar bar. Al Kaspii qubyr konsortsiýmynyń ózi tolyq jabylatyn bolsa, 54 mln tonnany ornalastyrý qiyn másele ekeni túsinikti. Osy kólemdi ornalastyrýǵa biraz ýaqyt kerek. Degenmen onyń ishinde 16,5 mln tonnany balama baǵyttar arqyly jibere alamyz. Temirjolmen, Aqtaý porty arqyly jáne «Atyraý-Samara» qubyry, sondai-aq Qytai baǵytyna da ótkize alamyz», - dedi Aqsholaqov.
