Qosymsha bilim berý biryńǵai portalyn qurý qajet. Bul týraly QR Premer-Ministriniń orynbasary Eraly Toǵjanov aitty, dep habarlaidy QazAqparat.
«2021 jyldyń qańtar aiynda bilim berý máseleleri jónindegi zańmen qosymsha bilimge arnalǵan memlekettik bilim berý tapsyrysy engizildi. Memlekettik bilim berý, sporttyq, shyǵarmashylyq tapsyrystardy biriktiretin qosymsha bilim berýdiń biryńǵai portalyn qurý qajet. Qosymsha bilimge arnalǵan memlekettik bilim berý tapsyrysyn ornalastyrý úshin artsport platformasynyń qyzmetin keńeitý jónindegi máselelerdi de pysyqtaý kerek», - dedi Úkimet basshysynyń orynbasary Bilim jáne ǵylym ministrliginiń keńeitilgen alqa otyrysynda.
