Foto: Inbusiness.kz
Qostanai mektepteri Kúndelik” elektrondy jýrnalynan bas tartty, dep habarlaidy "Ult aqparat" Alau.kz portalyna silteme jasap.
Qostanai oblysy ákimdigi bilim basqarmasynyń baspasóz qyzmeti bul aqparatty rastady. Vedomstvo oblystyń barlyq bilim berý uiymdarynda 2024 jyldyń 1 qyrkúieginen bastap “BilimClass" elektrondy jýrnaly men kúndelik modýli engiziletinin málimdedi.
"Shilde aiynda Qostanai oblysynyń bilim basqarmasy men "Bilim Land" JShS arasynda yntymaqtastyq týraly memorandýmǵa qol qoidy. "BilimClass" júiesine aýysqan kezde barlyq bilim berý uiymdary muǵalimder, oqýshylar men ata-analary tegin tsifrlyq resýrstarmen qamtamasyz etiledi. Aýdandyq, oblystyq deńgeide mektepterdegi, synyptardaǵy jáne pánder boiynsha bilim sapasyn baqylaýǵa múmkindik bar. Derekterdi “Kúndelik” júiesinen alyp, BilimClass júiesine júktegennen keiin qujattardy qoimada tegin saqtaýǵa bolady", – delingen habarlamada.
Bilimcenter.kz modýli qoljetimdi bolmaq. Bul tsifrlyq portal biliktilikti arttyrý kýrstarynan ótý kezinde monitoringi men sertifikattaýy bar PISA, TIMSS, PIRLS, MODO halyqaralyq zertteýlerine daiyndyq kezinde fýnktsionaldyq saýatty qalyptastyrýǵa jáne baǵalaýǵa arnalǵan.
Sondai-aq basqarma platformanyń jarnamasyz jumys isteitinin atap ótti.
