Qostanai oblysyndaǵy Maral ishan meshiti dini nysan bolyp qalady. Bul týraly apparat májilisinde oblys ákimi Arhimed Muhambetov málim etti, dep habarlaidy QazAqparat.
Buǵan deiin habarlaǵanymyzdai, Qostanai ortalyǵyndaǵy ǵasyrdan astam tarihy bar Maral ishan meshiti tarihi-ólketaný mýzeiiniń balansyna berilgen bolatyn.
Búgingi apparat májilisinde meshit ǵimaratyn jergilikti balansqa berý týraly másele talqylandy.
«Tarih jáne sáýlet eskertkishi, ári jergilikti mańyzy bar sakraldy nysan - Aqmeshittiń ǵimaraty kúrdeli jóndeýdi qajet etedi. Atalǵan nysandy jóndeý úshin jobalyq-smetalyq qujattamalardy ázirleýge qarajat bólý múmkindigin qarastyrýdy suraimyz. Bizdiń aldyn-ala josparymyz boiynsha, kelesi jyldyń sońyna deiin jóndeý jumystaryn aiaqtaýǵa bolady», - dedi oblystyq mádeniet basqarmasynyń basshysy Erlan Qalmaqov óz baiandamasynda.
Al Arhimed Muhambetov Maral Ishan meshitine qatysty alyp-qashpa áńgimelerdiń artyq ekenin atap ótti.
«Keibir BAQ-ta, áleýmettik jelilerde osyǵan qatysty el arasynda túrli pikir týyndatqan maqalalar jazylýda. Biraq, olai dúrligýdiń qajeti joq. Bul máseleni baqylaýyma aldym. Biz Qazaqstan musylmandary dini basqarmasymen birlesip jumys istep jatyrmyz. Ózderińiz bilesizder, bir jyl buryn Dini basqarma bul tarihi nysandy balansymyzǵa berdi. Endi onyń qurylys-jóndeý jumystarynyń jobalyq-smetalyq qujattaryn ázirleýdi tapsyramyn. Jol kartasyn daiyndańyzdar. Qajetti qarjyny bólemiz. Qurylys jumystary aiaqtalǵan soń QMDB-men kelise otyryp, ǵimarattyń qyzmet kórsetý maqsatyn anyqtaimyz. Bir anyǵy, bul dini nysan bolyp qalady», - dedi Arhimed Muhambetov.
Jyl basynan beri mádeniet nysandaryn materialdyq-tehnikalyq jaraqtandyrýǵa 349,5 mln teńge bólingen. Onyń ishinde sharýashylyq sýbektileriniń qarajaty esebinen 7,1 mln teńge jumsaldy.
