قوستاناي وبلىسىنداعى مارال يشان مەشٸتٸ دٸني نىسان بولىپ قالادى. بۇل تۋرالى اپپارات مەجٸلٸسٸندە وبلىس ەكٸمٸ ارحيمەد مۇحامبەتوۆ مەلٸم ەتتٸ, دەپ حابارلايدى قازاقپارات.
بۇعان دەيٸن حابارلاعانىمىزداي, قوستاناي ورتالىعىنداعى عاسىردان استام تاريحى بار مارال يشان مەشٸتٸ تاريحي-ٶلكەتانۋ مۋزەيٸنٸڭ بالانسىنا بەرٸلگەن بولاتىن.
بٷگٸنگٸ اپپارات مەجٸلٸسٸندە مەشٸت عيماراتىن جەرگٸلٸكتٸ بالانسقا بەرۋ تۋرالى مەسەلە تالقىلاندى.
«تاريح جەنە سەۋلەت ەسكەرتكٸشٸ, ەرٸ جەرگٸلٸكتٸ ماڭىزى بار ساكرالدى نىسان - اقمەشٸتتٸڭ عيماراتى كٷردەلٸ جٶندەۋدٸ قاجەت ەتەدٸ. اتالعان نىساندى جٶندەۋ ٷشٸن جوبالىق-سمەتالىق قۇجاتتامالاردى ەزٸرلەۋگە قاراجات بٶلۋ مٷمكٸندٸگٸن قاراستىرۋدى سۇرايمىز. بٸزدٸڭ الدىن-الا جوسپارىمىز بويىنشا, كەلەسٸ جىلدىڭ سوڭىنا دەيٸن جٶندەۋ جۇمىستارىن اياقتاۋعا بولادى», - دەدٸ وبلىستىق مەدەنيەت باسقارماسىنىڭ باسشىسى ەرلان قالماقوۆ ٶز بايانداماسىندا.
ال ارحيمەد مۇحامبەتوۆ مارال يشان مەشٸتٸنە قاتىستى الىپ-قاشپا ەڭگٸمەلەردٸڭ ارتىق ەكەنٸن اتاپ ٶتتٸ.
«كەيبٸر باق-تا, ەلەۋمەتتٸك جەلٸلەردە وسىعان قاتىستى ەل اراسىندا تٷرلٸ پٸكٸر تۋىنداتقان ماقالالار جازىلۋدا. بٸراق, ولاي دٷرلٸگۋدٸڭ قاجەتٸ جوق. بۇل مەسەلەنٸ باقىلاۋىما الدىم. بٸز قازاقستان مۇسىلماندارى دٸني باسقارماسىمەن بٸرلەسٸپ جۇمىس ٸستەپ جاتىرمىز. ٶزدەرٸڭٸز بٸلەسٸزدەر, بٸر جىل بۇرىن دٸني باسقارما بۇل تاريحي نىساندى بالانسىمىزعا بەردٸ. ەندٸ ونىڭ قۇرىلىس-جٶندەۋ جۇمىستارىنىڭ جوبالىق-سمەتالىق قۇجاتتارىن ەزٸرلەۋدٸ تاپسىرامىن. جول كارتاسىن دايىنداڭىزدار. قاجەتتٸ قارجىنى بٶلەمٸز. قۇرىلىس جۇمىستارى اياقتالعان سوڭ قمدب-مەن كەلٸسە وتىرىپ, عيماراتتىڭ قىزمەت كٶرسەتۋ ماقساتىن انىقتايمىز. بٸر انىعى, بۇل دٸني نىسان بولىپ قالادى», - دەدٸ ارحيمەد مۇحامبەتوۆ.
جىل باسىنان بەرٸ مەدەنيەت نىساندارىن ماتەريالدىق-تەحنيكالىق جاراقتاندىرۋعا 349,5 ملن تەڭگە بٶلٸنگەن. ونىڭ ٸشٸندە شارۋاشىلىق سۋبەكتٸلەرٸنٸڭ قاراجاتى ەسەبٸنەن 7,1 ملن تەڭگە جۇمسالدى.
