Qostanaidaǵy belgisiz bireýler zirattaǵy qorshaýdy buzýǵa tyrysqan, dep habarlaidy "Ult aqparat".
Oblystyq politsiia departamenti baspasóz qyzmeti taratqan málimetke sáikes, áleýmettik jeli qoldanýshylary Qostanaidaǵy zirat basyndaǵy videony taratqan. Úsh er adam zirat qorshaýlaryn buzbaq bolǵan. Politsiia bul beinjazbany tekserýge aldy.
«Jergilikti turǵyndardan nemese rolik avtorynan politsiiaǵa aryz túsken joq. Videony tekserý barysynda zirat qorshaýyn syndyrmaq bolǵan azamattar anyqtaldy. Úsheýi de oblys ortalyǵynyń turǵyndary bolyp shyqty. Qazir olarmen jumys júrgizilip, nátijesinde protsessýaldyq sheshim qabyldanady», - dep habarlaidy politsiia departamentiniń baspasóz qyzmeti.
