Qostanai qalasyndaǵy Bereke shaǵyn aýdanynda júkti áiel jańbyrdyń sýyn aǵyzatyn qudyqqa qulap ketti. Onyń qaqpaǵy bolmaǵan, dep habarlaidy Sputnik Qazaqstan agenttigi "Nasha gazeta" portalyna silteme jasap.
Bul oqiǵa 15 qarashada Bereke shaǵyn aýdanyna baratyn Dónenbaev kóshesiniń boiynsha bolǵan. Jolda jańbyrdyń sýyn aǵyzatyn tórt buryshty qudyq bar. Sonyń qaqpaǵy áli de ashyq tur.
Basylym tilshileri ashyq jatqan kanalizatsiia qudyqtary týraly talai ret jazǵan. Máselen, tamyz aiynda bir material shyqqan. Sol kezde qala turǵyny Nurjan Tasqymbaev merdigerlerdiń jumysyn synǵa aldy. Olar qudyqqa qaqpaq salýdyń ornyna shinamen jaba salǵan.
Qostanai ákimi Marat Júndibaev birden qudyqtardy jaýyp tastaýǵa tapsyrma bergen. Biraq másele áli sheshilgen joq.
Qurylys bóliminiń basshysy Rýslan Qatpaevtyń aitýynsha, Dónenbaev kóshesindegi joldy jańadan salǵan. Ony kelesi jyly ashýdy josparlady. Biraq turǵyndarǵa yńǵaily bolsyn dep, erte ashyp qoidy. Qudyqtardy shoiyn qaqpalarmen birneshe ret japqan. Biraq bárin urlap ketti. Sol kezde bólim basshysy beton bloktarymen jabamyz dep ýáde bergen. Alaida másele áli de sheshilmegen.
