Qostanai qalasynyń ortalyq alańyna aǵartýshy, ǵalym Ybyrai Altynsarinniń eskertkishi qoiyldy, dep habarlaidy "Ult aqparat".
Y.Altynsarinniń 180 jyldyǵy qarsańynda ashylǵan eskertkish Altynsarin-Tolstoi kósheleriniń qiylysynda ornalasqan. Onyń salynýyna Qostanaidaǵy pedagogtar men eńbek ardagerleri, ybyraitanýshylar muryndyq boldy. Saltanatty sharaǵa Qostanai oblysynyń ákimi Arhimed Muhambetov, pedagogikalyq eńbek ardagerleri, qoǵam qairatkerleri qatysty. Óńir basshysy atap ótkendei, eskertkishtiń ashylýy qazaq qoǵamynyń damýyna, bilim berý júiesiniń qalyptasýyna baǵa jetpes úles qosqan kórnekti tulǵanyń mereitoiyn atap ótýdegi atqarylatyn jumystardyń bastamasy bolyp otyr.
«Tuńǵysh aǵartýshy Ybyrai Altynsarin eskertkishiniń boi kóterýi – elimizdegi tarihi oqiǵalardyń biri.
Qazaqtyń daryndy tulǵasy eldegi halyq aǵartý isi tarihynda ólsheýsiz eńbek sińirdi. HIH ǵasyrdyń ekinshi jartysynda qazaq dalasynda mektep jumysyn uiymdastyrýdyń maǵynaly jobasyn jasap, halyq mektebiniń negizin qalady. Bul uly babanyń eline sińirgen eńbeginiń bir parasy ǵana. Kelesi jyly bolatyn aitýly jobalar búgingi sharadan bastaý alady. Biz tek eskertkish ashýmen toqtamaimyz. Qaladaǵy Altynsarin kóshesi tolyq jóndeýden ótedi. Oǵan qazynadan 900 mln teńge bólindi. Bul jumystar jalǵasa beredi», - dep atap ótti Arhimed Muhambetov.
Eskertkishti belgili músinshi J.Jubanqosov pen QR Sýretshiler odaǵynyń múshesi T. Ermekov birlese jasaǵan. Qurylys qoladan, tuǵyrdyń túbinen tómengi bóligine deiin granitten jasalǵan. Qola kompozitsiiasynyń jalpy biiktigi plinttiń tómengi núktesinen – 2,6 metr.
