قوستاناي قالاسىنىڭ ورتالىق الاڭىنا اعارتۋشى, عالىم ىبىراي التىنساريننٸڭ ەسكەرتكٸشٸ قويىلدى, دەپ حابارلايدى "ۇلت اقپارات".
ى.التىنساريننٸڭ 180 جىلدىعى قارساڭىندا اشىلعان ەسكەرتكٸش التىنسارين-تولستوي كٶشەلەرٸنٸڭ قيىلىسىندا ورنالاسقان. ونىڭ سالىنۋىنا قوستانايداعى پەداگوگتار مەن ەڭبەك ارداگەرلەرٸ, ىبىرايتانۋشىلار مۇرىندىق بولدى. سالتاناتتى شاراعا قوستاناي وبلىسىنىڭ ەكٸمٸ ارحيمەد مۇحامبەتوۆ, پەداگوگيكالىق ەڭبەك ارداگەرلەرٸ, قوعام قايراتكەرلەرٸ قاتىستى. ٶڭٸر باسشىسى اتاپ ٶتكەندەي, ەسكەرتكٸشتٸڭ اشىلۋى قازاق قوعامىنىڭ دامۋىنا, بٸلٸم بەرۋ جٷيەسٸنٸڭ قالىپتاسۋىنا باعا جەتپەس ٷلەس قوسقان كٶرنەكتٸ تۇلعانىڭ مەرەيتويىن اتاپ ٶتۋدەگٸ اتقارىلاتىن جۇمىستاردىڭ باستاماسى بولىپ وتىر.
«تۇڭعىش اعارتۋشى ىبىراي التىنسارين ەسكەرتكٸشٸنٸڭ بوي كٶتەرۋٸ – ەلٸمٸزدەگٸ تاريحي وقيعالاردىڭ بٸرٸ.
قازاقتىڭ دارىندى تۇلعاسى ەلدەگٸ حالىق اعارتۋ ٸسٸ تاريحىندا ٶلشەۋسٸز ەڭبەك سٸڭٸردٸ. حٸح عاسىردىڭ ەكٸنشٸ جارتىسىندا قازاق دالاسىندا مەكتەپ جۇمىسىن ۇيىمداستىرۋدىڭ ماعىنالى جوباسىن جاساپ, حالىق مەكتەبٸنٸڭ نەگٸزٸن قالادى. بۇل ۇلى بابانىڭ ەلٸنە سٸڭٸرگەن ەڭبەگٸنٸڭ بٸر پاراسى عانا. كەلەسٸ جىلى بولاتىن ايتۋلى جوبالار بٷگٸنگٸ شارادان باستاۋ الادى. بٸز تەك ەسكەرتكٸش اشۋمەن توقتامايمىز. قالاداعى التىنسارين كٶشەسٸ تولىق جٶندەۋدەن ٶتەدٸ. وعان قازىنادان 900 ملن تەڭگە بٶلٸندٸ. بۇل جۇمىستار جالعاسا بەرەدٸ», - دەپ اتاپ ٶتتٸ ارحيمەد مۇحامبەتوۆ.
ەسكەرتكٸشتٸ بەلگٸلٸ مٷسٸنشٸ ج.جۇبانقوسوۆ پەن قر سۋرەتشٸلەر وداعىنىڭ مٷشەسٸ ت. ەرمەكوۆ بٸرلەسە جاساعان. قۇرىلىس قولادان, تۇعىردىڭ تٷبٸنەن تٶمەنگٸ بٶلٸگٸنە دەيٸن گرانيتتەن جاسالعان. قولا كومپوزيتسيياسىنىڭ جالپى بيٸكتٸگٸ پلينتتٸڭ تٶمەنگٸ نٷكتەسٸنەن – 2,6 مەتر.
