Foto: Polisia.kz
Qostanaida turǵynnan 6 mln teńge kóleminde aqsha talap etken 18 ben 20 jas aralyǵyndaǵy bopsalaýshylar qolǵa tústi, – dep habarlaidy Polisia.kz.
Olar 21 jastaǵy jergilikti turǵynǵa qatysty eleýsiz syltaýdy paidalana otyryp, odan 6 mln teńge kóleminde aqsha qarajatyn talap etken.
– Kúdiktiler jábirlenýshini jaldamaly páterde ustady, sondai-aq ony qala syrtyna shyǵaryp, uryp-soǵyp, densaýlyǵyna qaýip tóndirdi, – deidi Qostanai oblysy PD UQQKB bastyǵy Serik Baiǵonov.
Zańsyz áreketter barysynda bopsalaýshylar 1 mln teńge somasynda aqshalai qarajatty qaltasyna basqan. Degenmen jábirlenýshige qatysty jeńil paida tabý áreketteri munymen aiaqtalmai, odan aqsha talap etýdi jalǵastyrǵan.
"Jábirlenýshi politsiiaǵa aryz berdi. Jedel-izdestirý is-sharalary barysynda kúdiktiler anyqtalyp, ustaldy.
Atalǵan fakti boiynsha QR QK-niń 194-baby, 3-bóligi jáne 126-baby, 2-bóligi boiynsha sotqa deiingi tergeý júrgizilip jatyr. Qazirgi ýaqytta toptyń eki múshesi qamaýǵa alyndy, úshinshisi - úi qamaýynda" - delingen IIM baspasóz qyzmeti habarlamasynda.
