Foto: Polisia.kz
Qostanaida uiymdasqan qylmysqa qarsy kúres basqarmasy jezókshelikpen ainalysýǵa tartqan jeńgetailyq boiynsha qylmystyq shemany ashty, - dep habarlaidy "Ult aqparat" Polisia.kz saityna silteme jasap.
Qostanai oblysy PD UQQKB Qostanai qalasynyń 39 jastaǵy turǵynyn anyqtaǵan. Ol áleýmettik jeliler men messendjerler arqyly uzaq ýaqyt boiy qalalyq kolledjderdiń biriniń jas stýdentterin jezókshelikpen ainalysýǵa tartqan.
"Aldymen ol massaj sheberi retinde jumysqa ornalasý týraly suhbat júrgizip, keiin qyzdarǵa aqshalai syiaqy úshin intimdik qyzmet kórsetýmen ainalysatyndyqtaryn aitady. Ol qyzdardy jeke kúzetpen, ártúrli jaldamaly páterlerde klientterdi tańdaý múmkindikterimen qamtamasyz etken. Sondai-aq, jeńgetai qysqa merzimde jaqsy tabys tabýǵa ýáde bergen. Bul biznesti uiymdastyrýshy jezókshelikpen ainalysýǵa 10-nan asa qyzdy tartqany belgili boldy. Politseiler qylmys jasaý tetigin jáne qylmystyń barlyq múshesin tolyq anyqtady", – dedi Qostanai oblysy PD UQQKB bastyǵy Serik Baiǵonov.
Jaldamaly páterler men turǵylyqty jerlerge tintý júrgizý barysynda jeke zattar, telefondar men 5 million teńgeden asa qarajat jáne 8 myń resei rýbli tárkilendi.
Derekke qatysty QR QK-niń 308-baby ("Jezókshelikpen ainalysýǵa tartý") boiynsha sotaldy tergeý bastaldy.
