© Sputnik / Vitalii Ankov
Qostanai oblystyq mamandandyrylyǵan aýdanaralyq ákimshilik soty 2022 jylǵy 24 mamyrda Qostanai oblysynyń qorǵanys isteri departamentine qatysty áskeri qyzmetke jiberý týraly buiryqpen kelispegen N. esimdi azamattyń aryzy boiynsha ákimshilik isti qarady, dep habarlaidy Sputnik Qazaqstan.
Áskeri esepte turǵan merzimdi áskeri qyzmetshi 2021 jyldyń jeltoqsan aiynda meditsinalyq komissiiadan ótý kezinde "Ash ishek túiininiń eroziialyq deformatsiiasy. Asqynǵan oiyq jara" diagnozy bar ekenin habarlap, sáikes meditsinalyq anyqtamany usynǵan.
"Komissiia qujatty esepke almai, "Áskeri qyzmetke jaramdy" degen biraýyzdy sheshim shyǵaryp, jas jigitti Ulttyq ulanǵa jiberildi. Sot talqylaýy barysynda jaýap berýshi tarap qostanailyq azamattyń áskeri mindetti óteý orny boiynsha meditsinalyq tekserýdiń nátijesin kórsetti. Qujatta N. esimdi aryzdanýshynyń áskeri qyzmetti óteýine kedergi keltirmeitin "Kataraldy antraldi gastrit" aýrýy bar ekeni kórsetilgen. Sot áskeri-dárigerlik saraptama taǵaiyndady. Saraptama aryzdanýshynyń buǵan deiin málimdegen diagnoz rastady, onyń qazirgi ýaqytta aýrýy jazylmaǵany belgili boldy. Sondyqtan jas sarbaz odan ári áskeri qyzmetti ótei almaidy", - dep habarlady oblystyq sottyń baspasóz qyzmeti.
Daýly qaýly sotpen zańsyz dep tanylyp, onyń kúshi joiyldy.
Sonymen qatar, Aryzdanýshynyń densaýlyq jaǵdaiyn eskergen sot óz sheshimin shuǵyl oryndaýǵa shaqyrdy.
Mundai oqiǵanyń aldaǵy ýaqytta qaitalanýyna jol bermeý maqsatynda tiisti sharalar qoldaný úshin sot jaýapkerge tirkelgen zań buzýshylyqtar boiynsha jeke uiǵarym shyǵardy.
