Foto ashyq derekkózden alyndy
Qostanaida josparlanǵan ýrologiialyq operatsiiadan keiin komaǵa túsken úsh jasar bala qaitys boldy, - dep habarlaidy Tengrinews.kz portaly.
Bala 21 qańtarda tańǵy saǵat 11.00 shamasynda qaitys bolǵan. Qaiǵyly habardy oblystyq densaýlyq saqtaý basqarmasy rastady.
"Júrgizilip jatqan em-domǵa qaramastan, operatsiiadan keiin komaǵa túsken bala qaitys boldy. Meditsina qyzmetkerleri, Densaýlyq saqtaý basqarmasy men oblystyq balalar aýrýhanasynyń ujymy balanyń ata-anasyna, týǵan-týystaryna qaiǵylaryna ortaqtasyp kóńil aitady", - delingen habarlamada.
Aita keteiik, 15 jeltoqsanda 4 balaǵa josparly ota jasalǵan bolatyn. Barlyǵyna da anesteziia paidalanylǵan. Ota sátti ótken. Biraq balalar eki saǵattan assa da esin jimaǵan. Al birneshe saǵat ótken soń balalardyń dene qyzýy kóterilgen.
Keshke qarai úsh jasar Ámirdiń tynys alýy qiyndap, oǵan birden reanimatsiialyq sharalar jasalǵan. Artynan jansaqtaý bólimine túsken.
Ata-analar anesteziiaǵa reaktsiia bolýy múmkin degen boljam jasady. Barlyq inektsiiany bir ampýladan jasaǵan.
Ámirdiń ákesi densaýlyq saqtaý basqarmasyna aryz túsirip, prokýratýraǵa shaǵym jazǵan.
Dáriniń saraptamasy áli aiaqtalǵan joq. Dárigerlerdiń sózine qaraǵanda, ony jańa týǵan nárestelerge de ekken. Biraq buǵan deiin mundai reaktsiia bolmaǵan. Dárini artyǵymen salý fderegi de anyqtalmady.
Ámir osy ýaqytqa deiin jansaqtaý bóliminde jatyp, esin jimai, keshe qaitys boldy.
