فوتو اشىق دەرەككٶزدەن الىندى
قوستانايدا جوسپارلانعان ۋرولوگييالىق وپەراتسييادان كەيٸن كوماعا تٷسكەن ٷش جاسار بالا قايتىس بولدى, - دەپ حابارلايدى Tengrinews.kz پورتالى.
بالا 21 قاڭتاردا تاڭعى ساعات 11.00 شاماسىندا قايتىس بولعان. قايعىلى حاباردى وبلىستىق دەنساۋلىق ساقتاۋ باسقارماسى راستادى.
"جٷرگٸزٸلٸپ جاتقان ەم-دومعا قاراماستان, وپەراتسييادان كەيٸن كوماعا تٷسكەن بالا قايتىس بولدى. مەديتسينا قىزمەتكەرلەرٸ, دەنساۋلىق ساقتاۋ باسقارماسى مەن وبلىستىق بالالار اۋرۋحاناسىنىڭ ۇجىمى بالانىڭ اتا-اناسىنا, تۋعان-تۋىستارىنا قايعىلارىنا ورتاقتاسىپ كٶڭٸل ايتادى", - دەلٸنگەن حابارلامادا.
ايتا كەتەيٸك, 15 جەلتوقساندا 4 بالاعا جوسپارلى وتا جاسالعان بولاتىن. بارلىعىنا دا انەستەزييا پايدالانىلعان. وتا سەتتٸ ٶتكەن. بٸراق بالالار ەكٸ ساعاتتان اسسا دا ەسٸن جيماعان. ال بٸرنەشە ساعات ٶتكەن سوڭ بالالاردىڭ دەنە قىزۋى كٶتەرٸلگەن.
كەشكە قاراي ٷش جاسار ەمٸردٸڭ تىنىس الۋى قيىنداپ, وعان بٸردەن رەانيماتسييالىق شارالار جاسالعان. ارتىنان جانساقتاۋ بٶلٸمٸنە تٷسكەن.
اتا-انالار انەستەزيياعا رەاكتسييا بولۋى مٷمكٸن دەگەن بولجام جاسادى. بارلىق ينەكتسييانى بٸر امپۋلادان جاساعان.
ەمٸردٸڭ ەكەسٸ دەنساۋلىق ساقتاۋ باسقارماسىنا ارىز تٷسٸرٸپ, پروكۋراتۋراعا شاعىم جازعان.
دەرٸنٸڭ ساراپتاماسى ەلٸ اياقتالعان جوق. دەرٸگەرلەردٸڭ سٶزٸنە قاراعاندا, ونى جاڭا تۋعان نەرەستەلەرگە دە ەككەن. بٸراق بۇعان دەيٸن مۇنداي رەاكتسييا بولماعان. دەرٸنٸ ارتىعىمەن سالۋ فدەرەگٸ دە انىقتالمادى.
ەمٸر وسى ۋاقىتقا دەيٸن جانساقتاۋ بٶلٸمٸندە جاتىپ, ەسٸن جيماي, كەشە قايتىس بولدى.
