Qostanaidaǵy kóp qabatty úide tutanǵan órt saldarynan zeinetkerdiń denesin aýyr kúiik shalyp jáne iis tiip ýlandy, dep habarlaidy "Ult aqparat" oblystyń TJD baspasóz qyzmetine silteme jasap.
Órt Kóbeev kóshesindegi kóp páterli úide boldy.
«Besinshi qabatta 15 sharshy metr aýdandaǵy úsh bólmeli úi janyp jatqandyǵy anyqtaldy, - dep habarlady TJD. – 1949 jyly týǵan úi iesi óz betinshe qozǵala almaǵan. Qysqa ýaqytta jalyn tarap, kózdi ashytqysh tútin kireberiske jaiylady. Bul ýaqytta áiel baspaldaq alańynda bolǵan. Keibir turǵyndar óz betinshe evakýatsiialanyp, áielge túsýge kómektesken».
Zeinetker iis gazymen ýlanyp, qol men arqanyń ekinshi dárejeli kúiigin alǵan, qutqarýshylar ony dárigerlerge tapsyrdy. Jalyn sharpyǵan úide adamdar qalǵan edi, órt sóndirýshiler 3 balany qosqanda barlyǵy 31 adamdy evakýatsiialady.
