Qarjylyq monitoring agenttiginiń Qostanai oblysy boiynsha Ekonomikalyq tergep-tekserý departamenti belgili brend ataýlarymen qoldan jasaǵan alkogol ónimderin satý boiynsha zańsyz is-árekettiń jolyn kesti, dep habarlaidy QazAqparat vedomstvonyń baspasóz qyzmetine silteme jasap.
«Hennessy» - 430 bótelke, «Jack Daniels» - 12 bótelke, «Chivas Regal 18» - 20 bótelke esepke alý-baqylaý markasyz ishimdik ónimderi tárkilendi. Osy fakti boiynsha QR QK 222-babynyń 1-bóligi boiynsha sotqa deiingi tergeý júrgizilip jatyr. Tergeý múddesinde basqa aqparat jariia etilmeidi», - delingen habarlamada.
Jyl basynan beri oblystyq ekonomikalyq tergep-tekserý departamentiniń qyzmetkerleri osymen úshinshi ret alkogol ónimderin ótkizý boiynsha zańsyz qyzmetti toqtatyp otyr.
Esterińizge sala ketsek, buǵan deiin Qostanaida jalǵan esepke alý-baqylaý markalary bar alkogol ónimderin saqtaýmen jáne ótkizýmen ainalysqan JShS-niń biriniń quryltaishysy áshkerelengen bolatyn. Júrgizilgen tintý barysynda jalǵan aktsizdik markalary bar 23 myńnan astam bótelke mólsherinde 40 túrli alkogol ónimi tárkilengen.
Sondai-aq, 7 mln teńgeden astam somaǵa esepke alý-baqylaý markalary joq alkogol ónimderin shyǵarǵan jerasty tsehy anyqtaldy. Ol jerden 6 040 bótelke, 200 litr spirt mólsherinde daiyn alkogol ónimi, sondai-aq mólsherlegish, spirtomer, qaqpaqtar tárkilendi.
